हितोपदेश 20:22 - परमेश्‍वरए ताँ तमु क्युइर

²² “क्हिइ ङए न्होह्रों लइ, छतसि ङज्यै या क्हिए न्होह्रों लम्,” आबिद्; दिलेया याहवेहए फिर भर थेंन्, खीजी क्हिलाइ जोगेमिंब्मुँ।

हितोपदेश 20:22 ပူးပေါင်းရင်းမြစ်များ

भजनमैं 27:14

याहवेहए घ्याँ ङ्‍ह्‍योरिद्; सैं च्योंब आलद्, खीजी क्हिए सैं भोंब् लमिंब्मुँ; छतसि ङ बिमुँ! याहवेहए घ्याँ ङ्‍ह्‍योरिद्।

भजनमैं 37:34

याहवेहए घ्यार्न प्ररिद्, खीलाइन पैंरिद्। धै खीजी क्हेमैंलाइ चु ह्‍युलर्बै क्ल्हे तल् पिंब्मुँ; धै दुष्‍टमैं नास तब क्हिए मिइन म्रोंब्मुँ।

भजनमैं 37:40

याहवेहजी चमैंलाइ ल्होमिंसि जोगेमिंम्; खीजी दुष्‍टमैंउँइँले चमैं फ्रेमिंम् धै चमैंलाइ रक्षा लम्, तलेबिस्याँ चमैंइ खीए प्हलेर्न चमैंइ ग्वार योंम्।

हितोपदेश 17:13

आगुइ क्हिलाइ छ्याँब ललैया क्हिइ चए न्होह्रों लइ बिस्याँ क्हिए धिंर खोंयोंइ आछ्याँबन् तम्।

हितोपदेश 19:11

च्हैंब् मैंब् लल् खाँबै म्हिइ ह्रिस थाम्दिल् खाँम्, आगुइ सैं नल् ललेया तोइ आङ्हाँब चए ल्हागिर छ्याँब ग।

हितोपदेश 20:21

आतुरले अँश किंबै म्हिए सै न्होर लिउँइँ तोइ केर आफे।

हितोपदेश 24:29

“चइ ङए न्होह्रों लइ, छतसि ङज्यै या चए न्होह्रों लवाम्; ङइ चने खि किंब्मुँ,” आबिद्।

मत्ती 5:39

दिलेया ङ क्हेमैंने बिमुँ, क्‍हिए न्होह्रों लब्‍मैंने खि आफोद्। खाबज्यै क्‍हिए क्‍योलोउँइँबै क्ह्राँबोर ल्हिस्‍याँ क्‍हिइ त्हेब्रेउँइँबै क्ह्राँबो या चउँइँ तोमिंन्।

१ थेसलोनिकी 5:15

खाबज्‍यै क्हेमैंए न्होह्रों लवालेया खि आफोद्, दिलेया बिश्‍वासीमैंए फिर नेरो अरू म्‍हिमैंए फिरै या छ्याँबै के लबै सैं मैंन्।

१ पत्रुस 2:23

खीए फिर म्हिमैंइ तब आतब बिसि खीए आब्रु वासेया खीजी चमैंने खि आकिं। खीए फिर दुःख पिंब्मैंलाज्यै या खीजी धम्कि आपिं। बरु छेनाले निसाफ लबै परमेश्‍वरए फिर खीजी भर थेंइ।

१ पत्रुस 3:9

अरूइ क्हेमैंए न्होह्रों ललेया क्हेमैंइ चमैंए न्होह्रों आलद्, अरूइ क्‍हेमैंए फिर गाल् केलेया क्हेमैंइ गाल् आकेद्। बरु आशिक पिंन्, तलेबिस्याँ क्‍हेमैंइ आशिक योंरिगे बिसि परमेश्‍वरजी क्‍हेमैंलाइ हुइब् ग।

१ पत्रुस 4:19

छतसि परमेश्‍वरए सैंर मैंब् धोंबै दु:ख योंब्मैंइ छ्याँबै केन् लरिगे, धै तोन्दोंरि सै बनेबै भर लल् खाँबै परमेश्‍वरनेन् चमैंइ ह्रोंसए प्ल्ह सुम्पिदिरिगे।