हितोपदेश 20:19 - परमेश्‍वरए ताँ तमु क्युइर

¹⁹ ताँ प्ह्रेबै म्हिइ बिल् आतबै ताँमैं बिप्रम्; छतसि ताँ प्ह्रेप्रबै म्हिने आप्रद्।

हितोपदेश 20:19 ပူးပေါင်းရင်းမြစ်များ

भजनमैं 101:5

न्हों-न्हों ह्रोंसए ङ्‍हेब्मैंए ताँ लबै म्हिलाइ ङइ नास लब्मुँ। ह्रोंसन् ह्रब् सेब् प्हैंसि थेब् प्हैंबै म्हिलाइ ङ सैदिरिब् आरे।

हितोपदेश 11:13

ताँ प्ह्रेइरि प्रबै म्हिइ बिल् आतबै ताँ खैले बिलै बिवाम्, दिलेया भर लल् खाँबै म्हिइ बिल् आतबै ताँमैं खों न्होंर्न थेंम्।

हितोपदेश 13:3

खैच्हिजिले आपोंबै म्हिए छ्हर बिब् धों तम्, सुँर तो खमुँ चन् पोंबै म्हि नास तयाम्।

हितोपदेश 16:29

न्होह्रों लल् म्हैबै म्हिइ आगुलाइ फस्ला फुस्लु लवासि आछ्याँबै घ्याँर डोरेदिम्।

हितोपदेश 18:8

पार्दिइ पोंबै ताँ लिंबै चबै सै धोंन् तम्; चइ पोंबै ताँ म्हिमैंइ सैं न्होंर क्वेंम्।

हितोपदेश 24:21

ओ ङए च्ह, याहवेहए मान् लद्, धै म्रुँ बिब् ङिंन्, धै याहवेह नेरो म्रुँए बिरोध लब्मैंने आक्ह्रिद्,

रोमी 16:18

तलेबिस्याँ छाबै म्‍हिमैंइ ङ्योए प्रभु येशू ख्रीष्‍टए ल्हागिर आङिं, दिलेया ह्रोंसए फोए ल्हागिर सेवा लम्। चमैंइ ननाओलिबै छ्याँबै ताँमैं पोंसि सोजो म्‍हिमैं धोका पिंम्।