हितोपदेश 20:15 - परमेश्‍वरए ताँ तमु क्युइर

¹⁵ मारा, चाँदिमैं ल्हें मुइ फेबै सै मुँन बिलेया, च भन्दा थेब ज्ञान बुद्धिए ताँ पोंबै म्हि ग।

हितोपदेश 20:15 ပူးပေါင်းရင်းမြစ်များ

हितोपदेश 15:23

छ्याँबै जवाफ पिंल् योंमा म्हि सैं तोंम्, धै ठिक त्हेर पोंबै ताँ कति छ्याँब तम्।

हितोपदेश 15:7

बुद्धि मुँबै म्हिइ खन्तोदोंन् ज्ञानए ताँ बिप्रम्, आछ्याँबै सैं मुँबै म्हिइ बिस्याँ छ आल।

हितोपदेश 16:16

मारा योंब् भन्दा बुद्धि योंब छ्याँब् ग, धै चाँदि भन्दा ज्ञान बुद्धिलाइ त्हाँन्।

हितोपदेश 16:21

बुद्धि मुँबै म्हिलाइ ह्रब् सेब बिमुँ, धै छ्याँबै ताँइ म्हिमैंलाइ ह्रब् सेब् लम्।

हितोपदेश 16:24

छ्याँबै ताँमैं क्वे खुदुए न्हाँज्यु धों तम्, चइ म्हिमैंलाइ भों पिंम्, धै सैं तोंन् लम्।

हितोपदेश 20:14

समन किंबै म्हिइ “चुम् छ्याँब आरे! छ्याँब आरे!” बिमुँ, दिलेया दे क्याइ फेसि “ङइ बेल्‍ले भाउ कसेसि किंइ!” बिम्।

हितोपदेश 20:16

ङो आसेबै म्हिए जमानि टिबै बुद्धि आरेबै म्हिल क्वें या किंथेंन्; धै फ्रें क्ल्योंप्रबै च्हमिरिए ल्हागिर चइ जमानि टिस्याँ चने मुँबै सैमैं बन्दगिर थेंन्।

हितोपदेश 25:12

छेन्ले थेबै म्हिए ल्हागिर बुद्धि मुँबै म्हिइ हौदिबै ताँ निखुर माराए ङ्‍हेंबै रिङ न्हर खिब् धों तब् ग।

हितोपदेश 3:15

हिरा-मोति भन्दा च सै ल्हें फेम्, क्हिइ खोबै तोइ सैमैंने या च च्हैंल् आखाँ।

हितोपदेश 5:2

छलस्याँ छ्याँबै घ्याँर खैले प्रल् त्हुम् बिबै ताँ क्हिइ सेब्मुँ, धै क्हिए म्हदेइ ज्ञान बुद्धिए ताँ पोंब्मुँ।

हितोपदेश 8:10

चाँदि भन्दा ङए अर्ति थेद्, छ्याँबै मारा भन्दा ङए ज्ञान म्हैद्,

हितोपदेश 8:11

तलेबिस्याँ हिरा-मोति भन्दा बुद्धि ठिक मुँ, क्हिइ म्हैबै छ्याँ-छ्याँबै सैमैं बुद्धिने च्हैंल् आखाँ।

एफिसी 4:29

आछ्याँबै ताँ क्‍हेमैंए सुँउँइँले आत्‍होंरिगे, बरु थेब्मैंलाइ आशिक खल्‍ले आगुलाइ छ्याँबै घ्याँर डोरेबै छ्याँबै ताँमैं मत्‍त्रे पोंब्रें लद्।