हितोपदेश 20:13 - परमेश्‍वरए ताँ तमु क्युइर

¹³ न्हरु ल्हें आच्हुइद्, आस्याँ क्हि आयोंब-आख्युब् तब्मुँ। जँङ्गर खल्‍ले के लद्, छलस्याँ क्हिलाइ तोइ खाँचो तरिब् आरे।

हितोपदेश 20:13 ပူးပေါင်းရင်းမြစ်များ

हितोपदेश 10:4

प्ल्हेगु म्हि आयोंब्-आख्युब् तयाम्, दिलेय जाँगर खल्‍ले के लबै म्हि प्लब योब् तम्।

हितोपदेश 12:11

ह्रोंसए म्रों ताब् क्ल्योब लसि रा-रोमैं रुँइँब्मैंने चबै सै ल्हें तम्, दिलेया केर आफेबै म्हिमैंए लिलि प्रब्मैं बुद्धि आरेब्मैं ग।

हितोपदेश 13:4

प्ल्हेगु म्हिइ ल्हें सै म्हैलेया चइ तोइ आयों, दिलेया भोंन्ले के लबै म्हिइ तोन्दोंरि योम्।

हितोपदेश 19:15

प्ल्हेगु तसेरो न्हरु ल्हें खम्, धै प्ल्हेगु म्हि फतेन् तब्मुँ।

हितोपदेश 20:14

समन किंबै म्हिइ “चुम् छ्याँब आरे! छ्याँब आरे!” बिमुँ, दिलेया दे क्याइ फेसि “ङइ बेल्‍ले भाउ कसेसि किंइ!” बिम्।

हितोपदेश 28:19

ह्रोंसए म्रों तासि रुइब्मैंने ल्हें चबै सै तब्मुँ, दिलेया केर आफेबै ताँमैंए लिलि प्रब्मैं ङ्हाँदु तब्मुँ।

हितोपदेश 31:15

च म्हुँइँसर्न रेमुँ, धै ह्रोंसए परवाए ल्हागिर चब्-थुँब् लम्, धै केब्स्योमैंलाइ के ल्हैदिम्।

योना 1:6

छाब् म्रोंमा झाजर्बै कप्‍तान खसि योनाने बिइ, “कति रोल् खाँल? रेसि ह्रोंसए परमेश्‍वरने ग्वार ह्रिद्! ङ्यो खाबै नास आतरिगे बिसि खीजी जोगेमिंम् उ?”

रोमी 12:11

प्ल्हेउ आतल्‍ले लल् त्हुबै केमैं लद्। सैं न्होंउँइँले आनारल्‍ले परमेश्‍वरए सेवा लद्।

रोमी 13:11

मैंन्‍दि, खैबै जुग खबर होंइमुँ बिसि क्‍हेमैंज्यै सेइमुँ। तारे क्‍हेमैं न्‍हरुउँइँले छोरसि न्ह क्रों मि क्रोंले टिद्। थेद्, ओंसोंबै बिश्‍वास लबै त्हिंइ भन्दा तिंजोरो ङ्योलाइ जोगेमिंबै त्हिंइ झन् चेंदो तखइमुँ।

१ कोरिन्थी 15:34

सैं चित्, तारे पिरु पाप के आलद्। छाबै आछ्याँबै केमैं क्‍हेमैंए ल्हागिर फापिन् तबै ताँ ग। छतसि चु ताँ ङइ क्हेमैंने बिल् त्हुम्, तलेबिस्याँ क्‍हेमैंए न्‍होंरि को-कोइ म्हिमैंइ परमेश्‍वरलाइ छेनाले ङो आसेइमुँ।

एफिसी 5:14

छतसि “ओ न्‍हरु च्हुइरिब्‍मैं रेद्, सियाब्मैंए म्हाँजोउँइँले रेखो! झाइले ख्रीष्‍ट क्‍हिए फिर चारब्‍मुँ,” बिसि म्हिमैंइ बिम्।

२ थेसलोनिकी 3:10

क्‍हेमैंने टिमा ङिइ “खाबइ के आल, चइ चबै या आचरिगे” बिल।