हितोपदेश 2:7 - परमेश्‍वरए ताँ तमु क्युइर

⁷ सोजो म्हिमैंलाइ खीजी ट्होगो लमिंम्; धै स्योर आतेल्‍ले प्रब्मैंलाइ रक्षा लम्।

हितोपदेश 2:7 ပူးပေါင်းရင်းမြစ်များ

भजनमैं 144:2

खी ङए फिर खोंयोंइ आनुबै म्हाँया लबै परमेश्‍वर नेरो ङए किल्‍ला ग, ङलाइ खाबज्यै तोइ लल् आपिंब ङलाइ जोगेब परमेश्‍वर ग, खी ङए ढाल ग, खीए प्हलेर्न ङ ग्वार योंमुँ। खीजी अरू ह्रेंमैंलाइ ङए न्होंर थेंमिंमुँ।

भजनमैं 3:4

ङ थेबै कैले याहवेहने ग्वार ह्रिब्रें लमुँ, धै खीजी ह्रोंसए पबित्र कोंउँइँले ङलाइ ज्वाफ पिंमुँ। तिस्याँदे मैंन्

भजनमैं 84:11

तलेबिस्याँ याहवेह परमेश्‍वर त्हिंयाँ नेरो ढाल ग; याहवेहजी दयाम्हाँया लमुँ धै मान इजेत पिंम्; ठिक घ्याँर प्रब्मैंलाइ खीजी ताँन् छ्याँबै सैमैं पिंब्मुँ।

हितोपदेश 14:8

च्हैंब् मैंब् लल् खाँबै म्हिइ ह्रोंसइ लल् त्हुबै केमैं तो जा बिब् सेम्, दिलेया आमादुमैइ लबै केइ ह्रोंसलाइन न्होह्रों लम्।

हितोपदेश 28:18

छ्याँबै घ्याँर प्रबै म्हि जोगेब्मुँ, आछ्याँबै घ्याँर प्रबै म्हि तिख्खेर क्हुरियाब्मुँ।

हितोपदेश 30:5

परमेश्‍वरए ताँ छ्याब आरेब मुँ; खीए प्हलेर खब्मैं ताँनल खी ढाल ग।

हितोपदेश 8:14

छ्याँबै सल्‍ला नेरो ठिक बुद्धि ङउँइँलेन् खम्, ङने क्होल् खाँबै शक्‍ति नेरो भों मुँ।

१ कोरिन्थी 1:19

तलेबिस्याँ “बुद्धि मुँब् प्हैंब्मैंए बुद्धि ङइ नास लवाब्मुँ, धै बाठो प्हैंब्मैंइ लबै चाँजोमैं केर आफेब् लवाब्मुँ,” बिसि परमेश्‍वरजी खीए पबित्र छ्वेर प्ह्रिइमुँ।

१ कोरिन्थी 1:24

दिलेया यहूदी मुँलेया, अरू ह्रेंमैं मुँलेया खीजी त्हाँबै म्हिमैंए ल्हागिर बिस्याँ ख्रीष्‍ट येशून् परमेश्‍वरए शक्‍ति नेरो बुद्धि ग।

१ कोरिन्थी 1:30

तलेबिस्याँ ख्रीष्‍टउँइँलेन् परमेश्‍वरजी ङ्योलाइ छ्ह पिंइमुँ, ख्रीष्‍टउँइँले ङ्योइ बुद्धि योंइमुँ, ख्रीष्‍टउँइँलेन् ङ्योइ ठिक के लल् खाँमुँ, ख्रीष्‍टउँइँलेन् ङ्यो पबित्र तइमुँ, ख्रीष्‍टउँइँलेन् परमेश्‍वरजी ङ्योलाइ जोगेमिंइमुँ।

कलस्सी 2:3

तलेबिस्याँ ताँन् ज्ञान बुद्धिमैं ख्रीष्‍टनेन् मुँ।