हितोपदेश 2:22 - परमेश्‍वरए ताँ तमु क्युइर

²² दिलेया दुष्‍टमैं बिस्याँ परमेश्‍वरजी छाइले स्योवाब्मुँ, धै बिश्‍वास घात लब्मैंलाइ नो धोंले स्युसि भ्योंवाब्मुँ।

हितोपदेश 2:22 ပူးပေါင်းရင်းမြစ်များ

भजनमैं 104:35

पापिमैं बिस्याँ पृथ्बीउँइँले मेटियारिगे, धै दुष्‍टमैं धबै खोंयोंइ आचैरिगे! ओ ङए सो, याहवेहलाइ धन्यबाद पिंन्! याहवेहए मिं थेब लद्!

भजनमैं 145:20

खीए फिर म्हाँया लब्मैं ताँनलाइ याहवेहजी रक्षा लमिंम्, दिलेया दुष्‍टमैं बिस्याँ खीजी नास लवाब्मुँ।

भजनमैं 37:20

दिलेया दुष्‍ट म्हिमैं बिस्याँ नास तयाब्मुँ; याहवेहए शत्तुरमैं चउरर्बै छि धोंन् तम्; चमैं युनन् नास तयाब्मुँ, मिखु धोंलेन् चमैं म्हयाब्मुँ।

भजनमैं 37:22

याहवेहउँइँले आशिक योंब्मैंइ ह्‍युलए फिर क्ल्हे लब्मुँ, दिलेया खीउँइँले सराब योंब्मैं बिस्याँ नास तयाब्मुँ।

भजनमैं 37:28

तलेबिस्याँ ठिक निसाफ लबै म्हिमैंलाइ याहवेहजी खोम्; खीए म्हिमैं खीजी पिरिब् आरे। चमैंलाइ खोंयोंन् बिलै खीजी जोगेसि थेंमुँ, दिलेया दुष्‍ट म्हिमैंए सन्तान बिस्याँ नास लवाब्मुँ।

भजनमैं 52:5

छतसि परमेश्‍वरजी क्हिलाइ योगोर्लेन् नास लवाब्मुँ; क्हिए तम्बुउँइँलेन् खीजी क्हि चैंबोब्मुँ, सोगोंमैंए ह्‍युलउँइँले खीजी क्हि स्युसि भ्योंवाब्मुँ। तिस्याँदे मैंन्

भजनमैं 52:7

“ङ्ह्‍योत्ति! परमेश्‍वरए फिर भर आलबै म्हि! चुइ ह्रोंसने मुँबै ल्हें सै न्होरए फिर भर लइ, धै अरूमैं नास लवासि भोंब तइ।”

हितोपदेश 10:30

ठिक के लबै म्हि ह्‍युलर खोंयोंइ क्ल्हे तल् योंब्मुँ, दिलेया दुष्‍ट म्हिमैं बिस्याँ ह्‍युलर क्ल्हे तल् योंरिब् आरे।

हितोपदेश 11:3

ठिक के लब्मैंइ भर लल् खाँबै के लम्, दिलेया भर लल् आखाँब्मैं ह्रोंसए आछ्याँबै केइन नास तम्।