हितोपदेश 2:10 - परमेश्‍वरए ताँ तमु क्युइर

¹⁰ तलेबिस्याँ बुद्धि क्हिए खों न्होंर खब्मुँ, धै ज्ञानइ क्हिए सैं प्लिंसि छिं ङ्‍हाँब्मुँ,

हितोपदेश 2:10 ပူးပေါင်းရင်းမြစ်များ

भजनमैं 104:34

ङइ खीए बारेर मैंबै ताँमैं खीजी खोरिगे, तलेबिस्याँ ङ याहवेहर सैं तोंरिम्।

भजनमैं 119:103

क्हिजी फैबै बाछा ङए लेर बेल्‍ले लिंब तइमुँ, क्वे खुदु भन्दै या ङए सुँर च बेल्‍ले लिंइमुँ।

भजनमैं 119:111

क्हिजी बिबै ताँमैं ङए ल्हागिर मारा मुइ भन्दा थेब मुँ, च ताँमैंइ खोंयोंइ बिलै ङ‍ए सैं तोंन् लम्।

भजनमैं 119:162

लुडिसि पखबै सै न्होर योंबै म्हि सैं तोंब् धोंले क्हिजी फैबै बाछए ताँर ङ सैं तोंम्।

भजनमैं 119:97

क्हिए ठिम ङइ बेल्‍ले खोम्! त्हिंतिमिन् ङ चन् मैंरिम्।

भजनमैं 19:10

मारा भन्दा याहवेहए ताँमैं म्हैल् त्हुब मुँ, छ्याँबै मारा भन्दा झन ल्हें खीए ताँ म्हैल् त्हुम्; खीए ताँ क्वे खुदु भन्दा खुदुब् मुँ, धै न्हाँज्युउँइँले तेयुबै खुदु भन्दा च बेल्‍ले लिंब तम्।

हितोपदेश 1:4

आह्र-आसेब्मैं ह्र‍ब्-सेब् तब्मुँ, फ्रेंसि-छमिमैंइ ज्ञान-बुद्धि योंब्मुँ।

हितोपदेश 14:33

ताँ क्होबै म्हिए सैंर बुद्धि तम्, दिलेया आमादुमैंने बुद्धि मुँबै ताँमैं कति आरे।

हितोपदेश 22:18

तलेबिस्याँ च ताँमैं क्हिए खोंर थेंइ बिस्याँ धै च ताँमैं क्हिए सुँर मुँस्याँ च ताँइ क्हिए सैं तोंल् लब्मुँ।

हितोपदेश 4:6

बुद्धिए ताँलाइ तो धोंइ आङ्हाँन्, चइ क्हिए रक्षा लब्मुँ; चलाइ म्हाँया लद्, चइ क्हिलाइ छेनाले डोरेब्मुँ।

कलस्सी 3:16

ख्रीष्‍टउँइँले खबै सैं तोंबै ताँ क्‍हेमैंए सैं न्होंर थेंन्। बेल्‍ले बुद्धि मुँल्‍ले घ्रिइ घ्रिलाइ लोमिंसि अर्थि पिंन्। खों न्होंउँइँले धन्यबाद पिंसि परमेश्‍वरए मिं क्वेबै ल्हागिर भजन, क्वेमैं नेरो पबित्र प्ल्हजी पिंबै क्वेमैं प्रिंसि सैं न्होंउँइँले खीए मिं क्वेद्।