हितोपदेश 19:7 - परमेश्‍वरए ताँ तमु क्युइर

⁷ ङ्‍हाँदु म्हिलाइ ह्रोंसए ह्रजे-म्हजेमैंइ हेल् लम्, चए थुमैंइ चलाइ पिवाम्! यो छ्युँ लसि चमैंए लिलि ह्‍यालेया चमैंलाइ आस्या।

हितोपदेश 19:7 ပူးပေါင်းရင်းမြစ်များ

भजनमैं 38:11

ङए क्राँथाँ नाँबै घाइ लमा ङए थुमैं नेरो ङए ङ्‍हेब् ट्हुब्मैं ङउँइँले ह्रेंगो तम्, धै ङए परवामैं या ङ ङाँर आख।

भजनमैं 38:12

ङलाइ सैल् म्हैब्मैंइ ङ सैबै ल्हागिर ङो चुम्; ङए न्होह्रों लल् म्हैब्मैंइ ङलाइ सैबै मत लम्। छले चमैं खोंयोंन् बिलै ङए बिरोधर जाल रोरिम्।

भजनमैं 88:18

ङए थुमैं नेरो ङए फिर म्हाँया लब्मैंलाइ क्हिजी ङउँइँले ह्रेंगो लवाइ; छतसि मिछु खैबै क्ल्ह्‍यो ङने क्ह्रिबै थु तइमुँ।

भजनमैं 88:8

ङए खोबै थुमैंने क्हिजी ङ ह्रेंगो लमिंइमुँ; चमैंए उँइँर क्हिजी ङ आखोब् लमिंइमुँ। ङ च्युथेंइमुँ, छतसि ङ बैरु त्होल् आखाँ।

हितोपदेश 10:15

प्लबै म्हिए सै न्होर चए ल्हागिर भोंबै सहर ग; ङ्‍हाँदुमैं बिस्याँ दु:ख योंसि नास तयाम्।

हितोपदेश 14:20

आयोंब्-आख्युब्मैंलाइ ङ्‍हेब्-ट्हुब्मैंज्यै या म्हि आच्हि, दिलेया प्लब्मैंल ल्हें थुँमैं तम्।

हितोपदेश 18:23

ल्हयो खमिंन् बिसि ङ्‍हाँदु म्हिइ बिन्ति लम्, दिलेया प्लबै म्हिइ आछ्याँल्‍ले जवाफ पिंम्।

हितोपदेश 19:4

मुइ मुँबै म्हिइ थुमैं ल्हें खुमुँ, दिलेया ङ्‍हाँदु म्हिलाइ थुमैंइ पिथेंम्।

हितोपदेश 21:13

दुःख योंबै म्हिइ ग्वार ह्रिमा थबै न्ह आलल्‍ले टिबै म्हिइ ग्वार ह्रिमा चलाइ खाबज्यै ल्होरिब् आरे।

हितोपदेश 27:10

ह्रोंसए थु नेरो ह्रोंसए आबाए थुलाइ आम्‍लेद्, धै क्हिए फिर दुःख तखमा ह्रेंगो मुँबै ह्रोंसए आघें अलिमैंए धिंर आह्‍याद्, तलेबिस्याँ ह्रेंगो मुँबै ह्रोंसए आघें अलिमैं भन्दा ह्रोंसए चेंदोंर्बै ङ्‍हेब्-ट्हुब्मैं ग्वार्दिब छ्याँब तम्।

याकूब 2:6

दिलेया क्‍हेमैंइ मि ङ्हाँदुमैंलाइ म्हि आच्हि। क्‍हेमैंलाइ दुःख पिंब्मैं खाब् जा? च प्लब्‍मैंन् आङिं वा? क्‍हेमैंलाइ नियाधिश ङाँर बोब्मैं चमैंन् आङिं वा?