हितोपदेश 19:29 - परमेश्‍वरए ताँ तमु क्युइर

²⁹ खैच्हिजिले पोंब्मैंए ल्हागिर दण्ड, धै बुद्धि आरेबै म्हिए क्होर प्रिंबै ल्हागिर कोर्रामैं तयार लथेंइमुँ।

हितोपदेश 19:29 ပူးပေါင်းရင်းမြစ်များ

भजनमैं 1:1

दुष्‍टमैंए सल्‍लार आप्रब, नेरो पापिमैंइ लब् धोंले आलब, धै परमेश्‍वर स्यारब्मैंने बालु आटिबै म्हिइ आशिक योंम्।

हितोपदेश 1:22

“ओ आमादुमैं, क्हेमैं खोंयों समा ज्ञान बुद्धिलाइ तो धोंइ आङ्हाँन्ले प्ररिमुँ? खोंयों समा आउलाइ प्ह्रबै ताँमैं लसि सैं तोंरिमुँ, ओ आमादुमैं, तले जा, क्हेमैंइ ज्ञान बुद्धिलाइ तो धोंइ आङ्हाँब?

हितोपदेश 1:26

छतसि क्हेमैंए फिर आफत तमा ङ निस्योब्मुँ। धै क्हेमैंए फिर दु:ख तमा ङइ क्हेमैं प्ह्रब्मुँ।

हितोपदेश 10:13

च्हैब् मैंब् लसि ताँ क्होबै म्हिइ बुद्धिए ताँ पोंम्, दिलेया आमाबै म्हिए ल्हागिर प्हरे चैदिम्।

हितोपदेश 17:10

ताँ क्होबै म्हिलाइ तिला लोदा सैंदा लमा छ्याँब तम; दिलेया बुद्धि आरेबै म्हिलाइ कोर्राइ प्रखे प्रुलेया तार आख।

हितोपदेश 18:6

आमादुइ पोंबै ताँइ प्होंगि मिम्, धै ह्रोंसए सुँइ लमन् चलाइ आगुइ प्रिंम्।

हितोपदेश 26:3

घोडालाइ कोर्रा, गधालाइ लगाम झोंब् धोंले, आमादुए क्होर प्हरेइ प्रिंल् त्हुम्।

हितोपदेश 3:34

आगुलाइ प्ह्रब्मैंलाइ खीजी प्ह्रम्, दिलेया कुरब्मैंलाइ खीजी ल्हयो खम्।

हितोपदेश 7:22

धै सैबर बोबै क्ल्या धोंले, धै तिंर मेइ आम्‍लोन् समा फो सैं तोंदै उफर्दिमा ङोर फेब् धोंले,

हितोपदेश 9:12

क्हि बुद्धि मुँब् तइ बिस्याँ, बुद्धिइन क्हिलाइ इनाम पिब्मुँ; दिलेया खैच्हिजिले पोंस्याँ क्हिज्यै दु:ख योंब्मुँ।

हिब्रू 12:6

तलेबिस्याँ याहवेहजी म्हाँया लब्‍मैंलाइ छ्याँबै बानि तरिगे बिसि तार झोंम्, धै ह्रोंसजी खोबै प्हसेमैंलाइ खीजी दण्ड पिंम्।”