हितोपदेश 19:21 - परमेश्‍वरए ताँ तमु क्युइर

²¹ म्हिए खोंर ल्हें चाँजोमैं तम्, दिलेया याहवेहए सैंर मैंबै ताँमैंन् पूरा तब्मुँ।

हितोपदेश 19:21 ပူးပေါင်းရင်းမြစ်များ

उत्पत्ति 50:20

ङए फिर क्हेमैंइ न्होह्रों लबै सैं लल दिलेया परमेश्‍वरजी च केउँइँले छ्याँब लमिंबै सैं मैंइ। च के तिंयाँ ङ्यो ताँनए फिर तरिइमुँ छतमा ल्हें म्हि सोरिइमुँ।

एस्तर 9:25

हामानइ यहूदीमैं सैबै चाँजो लइमुँ बिबै ताँ एस्तरउँइँले म्रुँ सेसि “हामानइ यहूदीमैंलाइ खै लल् म्हैइमुँ चलाज्यै छन् लद्!” बिसि म्रुँइ प्ह्रिछ्या प्ह्रिबर ल्हैदिइ। छले ह्रोंसै लबै आछ्याँबै चाँजोइ लमा हामान नेरो चए च्हमैं त्होर च्योवाइ।

भजनमैं 21:11

चमैंइ क्हिए बिरोधर आछ्याँबै ताँमैं मैंलेया, धै ङो चुसि क्हिए न्होह्रों लल् म्हैले या चमैंए सैंर मैंब् धों तरिब् आरे।

भजनमैं 83:4

“खो, ङ्यो चमैंए ह्रें नास लले; धै इस्राएलीमैंए मिं क्ह्रन् म्हयारिगे,” बिसि चमैंइ बिमुँ।

हितोपदेश 12:2

स्वाबै म्हिलाइ याहवेहजी ल्हयो खम्, आछयाँबै के लबै म्हिलाइ खीजी दोषि ठर्दिब्मुँ।

हितोपदेश 16:1

म्हिमैंइ सैंर चाँजोमैं लम्, दिलेया जवाफ याहवेहउँइँलेन् खम्।

हितोपदेश 16:9

म्हिइ ह्रोंसए सैंर छ लमुँ, छु लमुँ बिमुँ, दिलेया चइ लल् त्हुबै केर याहवेहजीन् डोरेम्।

हितोपदेश 19:22

म्हिइ खोंयोंइ बिले लबै म्हाँया लरिगे ङ्‍हाँम्, स्योर तेब् भन्दा बरु आयों-आख्युब तब छ्याँब् ग।

हितोपदेश 21:1

म्रुँए सैं याहवेहए योर मुँ, स्योंर्बै क्यु धोंले चलाइ खनि बोदा ङ्‍हाँमुँ छाइन खीजी लल् खाँम्।

हितोपदेश 21:30

याहवेहए बिरोधर म्हिए ज्ञान बुद्धि, चाँजोमैं नेरो खैतबै सल्‍ला केर आफे।

एफिसी 1:11

खीजी मैंबै ताँन् केमैं परमेश्‍वरजी ह्रोंसए चाँजोर्न लम्। छले खीजी ओंसोंन् चाँजो लबइले ङि यहूदीमैंलाइ ख्रीष्‍टने घ्रिन् लमिंसि खीए म्‍हिमैं तबर त्हाँइ।

१ पत्रुस 2:8

अर्को क्ल्ह्‍योरै या छ बिइमुँ, “च युमाँ खीए फिर बिश्‍वास आलब्मैंलाइ थुरल् लबै युँमा धै प्हलेर्न कुरल् लबै युँमा ग।” तलेबिस्याँ चमैंइ परमेश्‍वरए छ्वेर्बै ताँमैं आक्वें। छतसि चमैं थुरम् धै नास तयाम्। चमैंए ल्हागिरि छान् तबर तोक्दिल।

यहूदाइ प्‍ह्रिबै प्ह्रिछ्या 1:4

तलेबिस्याँ को-कोइ म्‍हिमैं स्योलिबै ताँ बिबर क्हेमैंए म्हाँजोर था आसेल्‍ले होंयाल् खाँइमुँ। चुमैंइ परमेश्‍वरलाइ आम्हाँदि, धै चुमैंए आछ्याँबै केमैं लबै ल्हागिर ङ्योए परमेश्‍वरए दयाम्हाँयालाइ तो धोंइ आङ्हाँन्ल्‍ले छाइ खैने माइ खै लवाम्। धै ङ्योए घ्रि मत्‍त्रे क्ल्हे प्रभु येशू ख्रीष्‍टए फिर चमैंइ बिश्‍वास आल। छतसि ओंसों ओंनोंन् चमैं दण्ड योंबर ठर्दिल् खाँइमुँ।