हितोपदेश 19:20 - परमेश्‍वरए ताँ तमु क्युइर

²⁰ सल्‍ला पिंबै ताँमैं थेदु धै अर्थिमैं सैंर थेंन्, छलस्याँ क्हि ह्रब्-सेब् तब्मुँ।

हितोपदेश 19:20 ပူးပေါင်းရင်းမြစ်များ

भजनमैं 37:37

छ्याब् आरेबै म्हिमैंलाइ मैंन्, सोजो म्हिमैंलाइ ङ्ह्‍योद्; तलेबिस्याँ छाबै म्हिमैंल सन्‍तानमैं तब्मुँ।

भजनमैं 90:12

छतसि ङिइ बुद्धि योंल् खाँरिगे बिसि ङिए छ्ह कति रिंन्ठि मुँ बिसि ङिलाइ लोमिंन्।

भजनमैं 90:14

ङिए छ्ह तिगोंन् सैं तोंदै निस्योल योंरिगे बिसि क्हिए खोंयोंइ आनुबै म्हाँयाजी न्हाँगर्न ङिलाइ छिं ङ्हाँन् लमिंन्।

हितोपदेश 1:2

चुउँइँले म्हिमैंइ ज्ञान बुद्धि नेरो छ्यान्पर्गनए ताँमैं योंब्मुँ; धै गैरु ताँमैं क्होब्मुँ।

हितोपदेश 1:3

झाइले च्हैंब-मैंब लब नेरो छ्यान्पर्गन मुँबै छ्ह थोब्मुँ।

हितोपदेश 1:8

ओ ङए च्ह, ह्रोंसए आबाए ताँ थेद्, धै ह्रोंसए आमाए अर्थिमैं आम्‍लेद्।

हितोपदेश 12:15

आमादुइ ह्रोंस ठिक घ्याँर प्रइमुँ ङ्‍हाँम्, दिलेया ताँ क्होल् खाँबै म्हिइ आगुए सल्‍लामैं थेम्।

हितोपदेश 13:10

थेब् प्हैंस्याँ प्होंगि मत्‍त्रे तम्, दिलेया सल्‍ला किंस्याँ ह्रब्-सेब् तम्।

हितोपदेश 15:32

लोदा सैंदाए ताँ आथेबै म्हिइ ह्रोंसल्न न्होह्रों लम्, दिलेया लोदा सैंदाए ताँ ङिंबै म्हि ह्रब्-सेब् तम्।

हितोपदेश 19:19

ल्हें ह्रिस खबै म्हिइ सजैं योंब्मुँ, क्हिइ चलाइ जोगेइ बिस्याँ धबै छलेन् जोगेल् त्हुब्मुँ।

हितोपदेश 4:1

ओ च्ह-च्हमिमैं, ह्रोंसए आबाए अर्ति ङेंन्, आबाए अर्ति सैंर थेंरिद्। छलस्याँ च्हैंब् मैब् लल् खाँब्मुँ।

हितोपदेश 8:14

छ्याँबै सल्‍ला नेरो ठिक बुद्धि ङउँइँलेन् खम्, ङने क्होल् खाँबै शक्‍ति नेरो भों मुँ।

हितोपदेश 8:33

ङए अर्थि थेदु धै ह्रब्-सेब् तदु, च हेल आलद्।