हितोपदेश 19:17 - परमेश्‍वरए ताँ तमु क्युइर

¹⁷ आयो-आख्युब्मैंलाइ पिंब याहवेहलाइ खि पिंब् ग, धै खाबइ तो लइमुँ चए इनाम खीजी पिंब्मुँ।

हितोपदेश 19:17 ပူးပေါင်းရင်းမြစ်များ

भजनमैं 41:2

याहवेहजी चए रक्षा लब्मुँ, धै खोंयोंइ आखाँबै छ्ह पिंसि चलाइ जोगेमिंब्मुँ; च ह्‍युलर मुँमै या खीजी चलाइ आशिक पिंब्मुँ; धै चलाइ शत्तुरमैंए योर पिरिब् आरे।

भजनमैं 72:13

भों आरेब्मैं नेरो ङ्हाँदुमैंए फिर चइ ल्हयो खब्मुँ, धै ङ्हाँदुमैंए ज्यु जोगेमिंब्मुँ।

हितोपदेश 12:14

छ्याँबै ताँमैं पोंमा म्हिमैंइ छ्याँ-छ्याँब सैमैंन् योंब्मुँ, धै म्हिमैंइ खैबै के लइमुँ छाबन् इनाम योंब्मुँ।

हितोपदेश 14:21

ह्रोंसए ङ्‍हेब्-ट्हुब्मैंलाइ हेल लबै म्हिइ पाप लम्, दिलेया आयोंब्-आख्युब्मैंए खाँचो टार्दिमिंबै म्हिइ आशिक योंम्।

हितोपदेश 14:31

ङ्‍हाँदुमैंलाइ क्र ओल् आपिंब्मैंइ चमैंलाइ बनेबै परमेश्‍वरलाइ मान आल, दिलेया आयों-आख्युब्मैंए खाँचो टार्दिमिंबै म्हिइ परमेश्‍वरए मान लमुँ।

हितोपदेश 22:9

आयों-आख्युब्मैंलाइ पिंबै म्हिइ आशिक योंब्मुँ, तलेबिस्याँ चइ ह्रोंसए चबै सैमैं ङ्‍हाँदुमैंलाइ चुमिंम्।

हितोपदेश 28:27

ङ्हाँदुमैंलाइ पिंबै म्हिल तो सैरैया आयों-आख्युब तरिब् आरे, ङ्हाँदुमैंलाइ आपिंबै म्हिए फिर सराप खब्मुँ।

हितोपदेश 28:8

ब्याज ल्हें किंसि ह्रोंसए सै न्होर ल्हें लबै म्हिइ ङ्हाँदुमैंए फिर ल्हयो खबै म्हिए ल्हागिर सै न्होर खुम्!

मत्ती 25:40

“छबिमा म्रुँइ चमैंने बिब्मुँ, ‘क्ह्रोंसेंन ङ क्हेमैंने बिमुँ, क्हेमैंइ ङए अलि-अङाँमैं न्होंर्बै धाँसे च्योंबै म्हिलाइ तो-तो लइ, च क्हेमैंइ ङलाइन लब् ग।’

लूका 6:38

ह्रोंसने मुँबै सैमैं अरूलाज्यै या पिंन् छलस्याँ खाँदि-खाँदिसि, म्‍युरुरुले ङेयाल्‍ले परमेश्‍वरजी झन् ल्हें सैमैं क्हेमैंलाइ पिंब्‍मुँ। क्‍हेमैंइ खैले क्‍होंएँसि पिमुँ, छलेन परमेश्‍वरजी क्‍हेमैंलाज्यै या क्हों‍एँसि पिंब्‍मुँ।”

फिलिप्पी 4:17

ङइ क्हेमैंउँइँले भेटि म्‍हैब आङिं, क्‍हेमैंइ ङलाइ ल्होमिंबइले क्हेमैंइ ल्हें आशिक योंरिगे बिब ङए सैं मुँ।

हिब्रू 6:10

क्‍हेमैंइ छ्याँबै के लइमुँ, क्‍हेमैंइ परमेश्‍वरलाइ म्हाँया लइमुँ बिब उँइँबै ल्हागिर खीए म्‍हिमैंलाइ ल्होरिइमुँ, अझै क्‍हेमैंइ ल्होरिमुँ। क्‍हेमैंइ लबै छ्याँबै के परमेश्‍वरजी म्‍लेरिब् आरे, तलेबिस्याँ खीजी ठिक निसाफ लम्।