हितोपदेश 19:12 - परमेश्‍वरए ताँ तमु क्युइर

¹² म्रुँ ह्रिस खब सिंह ङ्‍हेब् धों तब् ग, दिलेया म्रुँइ ल्हयो खस्याँ छिर्बै शीत धों तम्।

हितोपदेश 19:12 ပူးပေါင်းရင်းမြစ်များ

उत्पत्ति 27:28

परमेश्‍वरजी मुउँइँले शीतमैं कुल्मिंरिगे धै क्हिए म्रोंर ल्हें रा-रोमैं रोरिगे।

एस्तर 1:12

दिलेया चइ खो बिसि सँउँसर कुलसेया म्रुँस्यो बश्ती आखमा म्रुँ मि धोंलेन् लुँबै ह्रिस खइ।

एस्तर 7:8

झाइले म्रुँ दरबारए बगैंचाउँइँले अँगुरए प्हा थुँबै क्ल्ह्‍योर धबै एखमा एस्तर रोबै सोफाए फिर हामान क्रेरिब म्रोंइ। छाब् म्रोंसि म्रुँ ह्रिस खसि “चुइ ङए धिंर, ङए ओंसोंन् म्रुँस्योलाइ न्होंवाल् म्हैमुँ उ तो जा?” बिसि ओरइ। म्रुँइ छ बिबै तोदोंन् हिचडमैंइ हामानए लि हुवाइ।

भजनमैं 133:3

हेर्मोन बिबै कोंर्बै शीत धोंन् च छ्याँब तम्! च शीत सियोनर्बै कोंमैंर युम्। चर्न खोंयोंइ आखाँबै छ्ह योंबै आशिक युरिगे बिसि याहवेहजी बिइमुँ।

भजनमैं 72:6

छि खैंवाबै चउरर युबै नाँ धों तब नेरो स क्योबै झरि धों तब च तब्मुँ।

हितोपदेश 20:2

ह्रिस खसि ङ्‍हेबै सिंहने ङ्हिंब् धोंलेन् ह्रिस खबै म्रुँने ङ्हिंन्; म्रुँलाइ ह्रिस खल् लबै म्हि सिल् त्हुम्।

हितोपदेश 28:15

दुष्‍ट म्रुँइ ग्याल्स लमा ङ्हाँदुमैं झन ङ्हाँदु तम्, छाबै म्रुँ ग्राँ-ग्राँ बिबै चें नेरो ह्‍वाखबै भलु धों तब् ग।