हितोपदेश 18:23 - परमेश्‍वरए ताँ तमु क्युइर

²³ ल्हयो खमिंन् बिसि ङ्‍हाँदु म्हिइ बिन्ति लम्, दिलेया प्लबै म्हिइ आछ्याँल्‍ले जवाफ पिंम्।

हितोपदेश 18:23 ပူးပေါင်းရင်းမြစ်များ

उत्पत्ति 42:30

“च ह्‍युलर्बै क्ल्हेइ ङिने थेबै कैले पोंइ। चइ ङिने च ह्‍युलर्बै छैं लबर खब्मैं बिइ।

उत्पत्ति 42:7

योसेफइ ह्रोंसए आघेंमैं म्रोंसि ङो सेइ। दिलेया चइ चमैंने बालु ङो आसेब् धोंले “क्हेमैं खनिउँइँले खल?” बिसि थेबै कैले ङ्योएइ। चमैंइ बिइ, “ङि कनान ह्‍युलउँइँले म्‍ल्ह-नारिमैं किंबर खब् ग।”

प्रस्थान 5:2

दिलेया फारोइ बिइ, “याहवेह बिब खाब् रो? ङइ तले चए ताँ ङिंसि इस्राएलीमैं ह्‍याल् पिंब? याहवेह ङइ ङो आसे, छतसि इस्राएलीमैं ङइ ह्‍याल् आपिं।”

हितोपदेश 19:7

ङ्‍हाँदु म्हिलाइ ह्रोंसए ह्रजे-म्हजेमैंइ हेल् लम्, चए थुमैंइ चलाइ पिवाम्! यो छ्युँ लसि चमैंए लिलि ह्‍यालेया चमैंलाइ आस्या।

हितोपदेश 22:7

प्लब्मैंइ ङ्‍हाँदुमैंलाइ न्होंर थेंम्, धै छे किंबै म्हि बिस्याँ छे पिंबै म्हिए केब्छैं तम्।

मत्ती 5:3

“परमेश्‍वरजी शक्‍ति आपिंइ बिस्‍याँ ङइ तोइ लल् आखाँ बिबै म्‍हिमैंइ आशिक योंब्मुँ, तलेबिस्याँ स्‍वर्गर्बै ग्याल्स चमैंल् ग।

याकूब 2:3

क्‍हेमैंइ च छ्याँबै क्वें खिबै म्हिलाइ मान लसि “चु छ्याँबै क्‍ल्‍ह्‍योर क्हुँन्” बिम्, दिलेया च ङ्हाँदु म्‍हिने बिस्याँ क्‍हेमैंइ “क्हि चर्न राद्,” अथवा “ङए प्‍हले ङाँर क्हुँन्,” बिम् बिस्याँ,

याकूब 2:6

दिलेया क्‍हेमैंइ मि ङ्हाँदुमैंलाइ म्हि आच्हि। क्‍हेमैंलाइ दुःख पिंब्मैं खाब् जा? च प्लब्‍मैंन् आङिं वा? क्‍हेमैंलाइ नियाधिश ङाँर बोब्मैं चमैंन् आङिं वा?

रूथ 2:7

‘म्रोंमैंए लिलि जौ सिलमैं खुल् पिंन्,’ बिसि चइ ङने यो छ्युँ लइ। च न्हाँग ओंनोंन् के लसिन् मुँ, तोगो तिस्यादे भों न्हरिइमुँ।”