हितोपदेश 18:1 - परमेश्‍वरए ताँ तमु क्युइर

¹ आक्ह्रिबै म्हि लोबए लिलि प्रम्; धै छाबै म्हिइ क्ह्रिल् खाँबै ताँमैं थोम्।

हितोपदेश 18:1 ပူးပေါင်းရင်းမြစ်များ

प्रस्थान 33:16

क्हि ङिने बालु आह्‍यास्याँ क्हिए म्हिमैं नेरो ङइ क्हिए म्हाँया योंइमुँ बिसि अरू ह्रेंमैंइ खैले सेब? ङ नेरो क्हिए म्हिमैं पृथ्‍बीर्बै ताँन् म्हिमैंने स्योन् उँइँबर क्हि ङिने बालुन् तल् त्हुम्।”

हितोपदेश 14:10

सैं नरिलैया तोंरिलैया ह्रोंसइन सेम्। छतसि म्हिए सैंर मुँबै ताँमैं खाबज्यै क्होल् आखाँ।

हितोपदेश 17:14

प्होंगि मिब क्वेथेंबै क्युए बाँध फुयाब् धों तब् ग, छतसि प्होंगि तल् म्हैस्याँ च्याँ तयाल् त्हुम्।

हितोपदेश 20:19

ताँ प्ह्रेबै म्हिइ बिल् आतबै ताँमैं बिप्रम्; छतसि ताँ प्ह्रेप्रबै म्हिने आप्रद्।

हितोपदेश 20:3

प्होंगि आमिबै म्हिलाइ ताँनइ खोम्; दिलेया आमादुमैंइ प्होंगि मिबै ताँ लम्।

हितोपदेश 24:21

ओ ङए च्ह, याहवेहए मान् लद्, धै म्रुँ बिब् ङिंन्, धै याहवेह नेरो म्रुँए बिरोध लब्मैंने आक्ह्रिद्,

हितोपदेश 26:17

आगुए आक्ह्रिबै ताँर यो झोंबै म्हि नेरो घ्याँजरे प्ररिबै नगिए न्हमेर क्हाबै म्हि धों तब् ग।

हितोपदेश 3:21

ओ ङए च्ह, छ्याँबै बुद्धि नेरो च्हैंब-म्हैबै ताँ जोगेसि थेंन् क्हिउँइँले च ह्रेंगो ह्‍‍याल् आपिंन्।

हितोपदेश 8:14

छ्याँबै सल्‍ला नेरो ठिक बुद्धि ङउँइँलेन् खम्, ङने क्होल् खाँबै शक्‍ति नेरो भों मुँ।

मत्ती 13:11

छबिमा येशूजी चमैंने बिइ, “परमेश्‍वरजी स्‍वर्गर्बै ग्याल्सए न्होंर्बै ताँमैं क्‍हेमैंलाइ सेल् पिंइमुँ। दिलेया अरू म्हिमैंलाइ बिस्‍याँ खीजी चुए बारेर सेल् आपिंइमुँ।

मत्ती 13:44

“स्‍वर्गर्बै ग्याल्स म्रोंर पाथेंबै सै न्होर धोंन् तब् ग। म्‍हि घ्रिइ च योंसि लोथेंम्, धै च सैं तोंदै ह्‍यासि ह्रोंसने मुँबै तोन्दोंरि सै चुँसि च म्रों किंम्।

मर्कूस 1:35

न्‍हाँगर मि म्रोंब् भन्दा ओंसोंन् येशू रेसि बैरु खाबै आरेबै क्‍ल्‍ह्‍योर ह्‍यासि प्राथना लइ।

मर्कूस 4:11

येशूजी चमैंने बिइ, “परमेश्‍वरए ग्याल्सर्बै क्होल् आखाँबै ताँ ङइ क्‍हेमैंने बिमिंइमुँ, दिलेया अरू म्हिमैंने बिस्‍याँ अहानउँइँले मत्‍त्रे बिम्।

रोमी 1:1

येशू ख्रीष्‍टए के लबर त्हाँबै ङ पावलउँइँले क्हेमैं रोम सहरर्बै बिश्‍वासीमैंलाइ जय मसीह मुँ, सैं तोंबै ताँ बिप्रबै ल्हागिर नेरो कुल्मिंबै चेला चिब तबर परमेश्‍वरजी ङ त्‍हाँब् ग।

२ कोरिन्थी 6:17

छतसि याहवेहजी छ बिइमुँ: “क्‍हेमैं च आछ्याँबै म्‍हिमैंए म्हाँजोउँइँले त्होंइ खो, क्‍हेमैं चमैं ङाँइले स्‍यो तल् त्‍हुम्। पापर च्होवाबै सैमैं आछुइद्, झाइले ङइ क्‍हेमैं ङ ङाँर खल् पिंस्‍यो।

यहूदाइ प्‍ह्रिबै प्ह्रिछ्या 1:19

परमेश्‍वरलाइ ङो आसेबै म्हिमैं, फोट झोंसि क्हेंमैंए न्होंर आक्ह्रिल् लवाब्मैं नेरो पबित्र प्ल्ह आरेब्मैं चमैंन् ग।