हितोपदेश 17:3 - परमेश्‍वरए ताँ तमु क्युइर

³ मारा नेरो चाँदि मिइ खार्दिम्, दिलेया म्हिए खों जाँच लब याहवेहन् ग।

हितोपदेश 17:3 ပူးပေါင်းရင်းမြစ်များ

भजनमैं 139:23

ओ परमेश्‍वर, ङ जाँचेदु, धै ङए खोंर्बै ताँमैं सेदु! ङ जाँचेदु, धै ङए न्हुँ कति ल्हें मुँ बिसि क्होमिंनु!

भजनमैं 26:2

ओ याहवेह, ङलाइ जाँचेद्, ङ खैबै म्हि जा बिसि बिचार लमिंन्; ङए सैं नेरो खों जाँचेद्।

भजनमैं 66:10

ओ परमेश्‍वर, क्हिजी ङिए जाँच् लइमुँ, क्हिजी ङि चाँदि धोंले खार्दिइमुँ।

हितोपदेश 15:11

क्रों नेरो नर्ग खैतब मुँ बिसि याहवेहजी सेइमुँ बिस्याँ झन् म्हिमैंए खोंर्बै तोन्दोंरि ताँ खीजी था सेम्!

हितोपदेश 16:2

म्हिमैंइ ह्रोंसइ लबै केमैं छ्याँबन् ङ्‍हाँलै, दिलेया म्हिमैंए सैंर तो मुँ बिब याहवेहजी सेम्।

हितोपदेश 17:2

बुद्धि मुँबै केब्छैंइ केर आफेबै च्हलाइ न्होंर थेंब्मुँ, धै च्हइ धोंले चइ खे-बाज्युमैंए सै न्होर योंब्मुँ।

हितोपदेश 21:2

म्हिइ खोंयोंन् बिलै ङइ ठिक लइमुँ ङ्‍हाँलै, दिलेया चए सैं खैतब् मुँ बिसि याहवेहजीन् जाँच लम्।

हितोपदेश 27:21

मारा चाँदि मिर खार्दिब् धोंले आगुइ लबै बयनउँइँले म्हि खैतब् मुँ बिसि सेल् खाँम्।

१ पत्रुस 1:7

च दुःखमैं तले तम् बिस्याँ क्‍हेमैंइ छेनाले बिश्‍वास लन उ आलन बिसि तब् ग। मारा मिर ख्रोंसि जाँच लब् धोंले क्‍हेमैंलाज्यै या जाँच लब् ग, दिलेया क्‍हेमैंए बिश्‍वास नास तयाबै मारा भन्दा सै ल्हें फेम्। छतसि येशू ख्रीष्‍ट एयुबै त्हिंइर क्‍हेमैंए बिश्‍वास बेल्‍ले छ्याँब तसि क्हेमैंइ स्याबासि, मान नेरो छ्याँबै बयन योंब्मुँ।

दर्शन 2:23

ङइ च च्हमिरिए लिलि प्रबै म्‍हिमैंलाइ सैवाब्‍मुँ। ङइ म्‍हिए सैंर्बै ताँमैं नेरो चमैंइ लबै केमैं था सेमना बिसि ताँन् बिश्‍वासीमैंइ च त्हेर था सेब्‍मुँ, छले क्‍हेमैंइ खैबै के लमुँ, छाबन् नों ङइ क्हेमैं घ्रि घ्रिलाइ पिंब्‍मुँ।