हितोपदेश 17:24 - परमेश्‍वरए ताँ तमु क्युइर

²⁴ च्हैंब् मैंब् लल् खाँबै म्हिइ लबै के छ्याँब तम्, दिलेया आमादुमैंइ बिस्याँ आङिं आङिंबै सैमैं मत्‍त्रे ङ्ह्‍योप्रम्।

हितोपदेश 17:24 ပူးပေါင်းရင်းမြစ်များ

भजनमैं 119:37

ङए मिइ केर आफेबै सैमैं ङ्ह्‍योल् आपिंन्; क्हिए ताँइ बिब् धोंलेन् ङए‍ रक्षा लमिंन्।

हितोपदेश 14:6

आगु प्ह्रबै म्हि ह्रब्-सेब् तल् म्हैलेया आत, दिलेया बुद्धि मुँबै म्हिइ च्हैंब् मैंब् लल् खाँम्।

हितोपदेश 15:14

ताँ क्होबै म्हिइ ज्ञानए ताँ म्हैम्, दिलेया आमादुमैंए सुँइ आछ्याँबै ताँमैं पोंम्।

हितोपदेश 17:25

आमादु च्हइ ह्रोंसए आबालाइ शोक तल् लम्, धै आमालाइ पिर तल् लम्।

हितोपदेश 23:5

तिस्याँदे ल्हागिर सै न्होर योंम्; दिलेया नुयाम्, तलेबिस्याँ चल प्ह्‍यामैं प्ह्‍यामुँ धै क्रोवे धोंले मुउँइँ प्हुरयाम्।

यूहन्‍ना 7:17

खाबज्यै परमेश्‍वरजी बिब् धोंले के लदा ङ्हाँम् बिस्याँ, ‘ङइ लोमिंबै ताँ परमेश्‍वरउँइँले युब् उ, ह्रोंसए सैंर मैंसि पोंब् जा’ बिसि चइ सेब्मुँ।

१ यूहन्‍ना 2:16

तलेबिस्याँ चु ह्‍युलर मुँबै तोन्दोंरि सैमैं, अथवा ज्युउँइँले खबै आछ्याँबै इच्छामैं, लोब लब, नेरो थेब् प्‍हैंब, छाबै ताँ परमेश्‍वर आबाउँइँले खब आङिं, चु ह्‍युलउँइँले खबै आछ्याँबै सैमैं ग।