हितोपदेश 17:15 - परमेश्‍वरए ताँ तमु क्युइर

¹⁵ छ्याब् मुँबै म्हिलाइ छ्याब् आरेब् बिब धै छ्याब आरेबै म्हिलाइ छ्याब् ल्हैदिब ङ्हिंन-ङ्हिंन म्रोंसि याहवेह छेरम्।

हितोपदेश 17:15 ပူးပေါင်းရင်းမြစ်များ

भजनमैं 94:21

ठिक के लब्मैंए बिरोधर चमैं जाल रोम्, धै तोइ छ्याब् आरेबै म्हिलाइ सैवाम्।

प्रस्थान 23:7

“स्योर ताँ तिफुँइ पोंसि छ्याब आल्हैदिद्। छ्याब् आरेबै म्हि नेरो स्योर आतेबै म्हिलाइ सिबै दण्ड आपिंन्, तलेबिस्याँ छ्याब् मुँबै म्हिलाइ ङइ खोंयोंन् बिलै छ्याब् आरे बिल् आखाँ।

हितोपदेश 11:1

छलु म्हिलु लबै पारा याहवेहजी आखो, दिलेया ठिक वजन मुँबै ढकइ छेन्ले क्वेस्याँ खी सैं तोंम्।

हितोपदेश 15:8

दुष्‍ट म्हिइ पिंबै ख्रो याहवेहजी आखो, दिलेया सोजो म्हिइ लबै प्राथना थेसि खी सैं तोंम्।

हितोपदेश 17:26

छ्याब आरेबै म्हिलाइ दण्ड पिंब, नेरो ठिक के लब्मैंलाइ कोर्राइ प्रुब ठिक आङिं।

हितोपदेश 18:5

दुष्‍ट म्हिए ख लब धै छ्याब आरेबै म्हिए ल्हागिर ठिक निसाफ आलब ठिक आङिं।

हितोपदेश 31:5

आस्याँ चमैंइ प्हा थुँसि कानुनर्बै ताँमैं म्‍लेयाब्मुँ, धै दुःख योंब्मैंइ योंल् त्हुबै हग योंरिब् आरे।

हितोपदेश 6:16

याहवेहजी आखोबै बानिमैं ङिग्लो मुँ, ङिउलो ताँमैं खीए उँइँर बेल्‍ले आछ्याँब मुँ:

रोमी 4:5

धर्म-कर्म आलन बिलेया ठिक ठर्दिमिंबै परमेश्‍वरए फिर बिश्‍वास लस्याँ, चइ बिश्‍वास लबइले परमेश्‍वरजी चलाइ छ्याब् आरेबन् ठर्दिमिंम्।

याकूब 5:6

क्‍हेमैंए न्होह्रों आलबै छ्याब् आरेबै म्‍हिलाइ छ्याब मुँ बिसि क्हेमैंइ सैवाइमुँ।