हितोपदेश 16:28 - परमेश्‍वरए ताँ तमु क्युइर

²⁸ स्योलिबै ताँ लबै म्हिइ प्होंगि लम्, धै आगुए ताँ लप्रबै म्हिइ क्ह्रिरिबै थुमैंया आक्ह्रिल् लवाम्।

हितोपदेश 16:28 ပူးပေါင်းရင်းမြစ်များ

हितोपदेश 15:18

युनन् ह्रिस खबै म्हिइ प्होंगि तल् लम्, दिलेया युनन् ह्रिस आखबै म्हिइ प्होंरिबै म्हिमैं क्ह्रिल् लम्।

हितोपदेश 16:27

दुष्‍ट म्हिइ आछ्याँबै के मत्त्रे लप्रम्, धै चइ पोंबै ताँइ म्हिमैंए सैं नल् लम्।

हितोपदेश 16:29

न्होह्रों लल् म्हैबै म्हिइ आगुलाइ फस्ला फुस्लु लवासि आछ्याँबै घ्याँर डोरेदिम्।

हितोपदेश 17:17

क्ह्रिबै थुइ खोंयोंन् बिलै म्हाँया लमुँ, धै दु:ख सुखर आघें-अलिमैंन् केर फेम्।

हितोपदेश 17:9

पाप के ललेया क्षमा पिंबै म्हिइ म्हाँया लम्; दिलेया घरि-घरि ताँ क्हेरिबै म्हिइ क्ह्रिबै थुमैं या फ्रेवाम्।

हितोपदेश 18:6

आमादुइ पोंबै ताँइ प्होंगि मिम्, धै ह्रोंसए सुँइ लमन् चलाइ आगुइ प्रिंम्।

हितोपदेश 18:8

पार्दिइ पोंबै ताँ लिंबै चबै सै धोंन् तम्; चइ पोंबै ताँ म्हिमैंइ सैं न्होंर क्वेंम्।

हितोपदेश 29:22

दुष्‍ट म्हिइ प्होंगि लम्, धै युनन् ह्रिस खबै म्हिइ ल्हें पाप लम्।

हितोपदेश 30:33

तलेबिस्याँ ङ्‍हे लोइरि छ्युगु त्होंम्, नखुँ नेस्याँ को युम्, छलेन आगुलाइ ह्रिस खल् लस्याँ प्होंगि तम्।

हितोपदेश 6:14

चए सैंइ आछ्याँबै ताँमैं मत्त्रे मैंम्, धै चइ खोंयोंन् बिलै आक्ह्रिबै ताँबै रेम्।

हितोपदेश 6:19

स्योलिबै ग्वाइ पिंबै, आघें-अलिमैंए म्हाँजोर प्होंगि रेबै म्हि। छाबै बानि मुँबै म्हिमैं याहवेहजी तिफुँइ आखो।

रोमी 1:29

छतसि चमैं ताँन् खालर्बै आछ्याँबै के, दुष्‍ट के, लोब लब, ह्रिस लब, सैं आसब, आगुए न्होह्रों तबै केमैं लब, म्हि सैब, प्होंगि मिब, आगुए के न्होंवाब, फ्रम् ताँ लब,

२ कोरिन्थी 12:20

क्‍हेमैंए बानि छ्याँब तरिगे बिब ङए सैं मुँ। दिलेया क्‍हेमैं ङाँर ङ खमा ङए सैंर मैंब् धों तब क्‍हेमैं आत उ, छलेन क्‍हेमैंए सैंर मैंब् धों तब ङै या आत उ बिसि ङ ङ्हिंइमुँ। तलेबिस्याँ क्‍हेमैं न्होंरि प्होंगि कैगि लब, ख्रे लब, ह्रिस लब, ह्रोंसए फायदा मत्‍त्रे म्‍हैब, अरूलाइ प्ह्रब, फ्रम् ताँ क्‍योंम् ताँ लब, थेब् प्हैंब, बिब् आङिंब तलै खाँम्।