हितोपदेश 16:24 - परमेश्‍वरए ताँ तमु क्युइर

²⁴ छ्याँबै ताँमैं क्वे खुदुए न्हाँज्यु धों तम्, चइ म्हिमैंलाइ भों पिंम्, धै सैं तोंन् लम्।

हितोपदेश 16:24 ပူးပေါင်းရင်းမြစ်များ

भजनमैं 119:103

क्हिजी फैबै बाछा ङए लेर बेल्‍ले लिंब तइमुँ, क्वे खुदु भन्दै या ङए सुँर च बेल्‍ले लिंइमुँ।

भजनमैं 19:10

मारा भन्दा याहवेहए ताँमैं म्हैल् त्हुब मुँ, छ्याँबै मारा भन्दा झन ल्हें खीए ताँ म्हैल् त्हुम्; खीए ताँ क्वे खुदु भन्दा खुदुब् मुँ, धै न्हाँज्युउँइँले तेयुबै खुदु भन्दा च बेल्‍ले लिंब तम्।

हितोपदेश 12:18

खैज्हिजिले पोंमा सेलाँइ धोंले म्हिलाइ म्‍लोम्, दिलेया च्हैंसि मैंसि छेनाले पोंमा नरिबै सैं सल् लम्।

हितोपदेश 15:23

छ्याँबै जवाफ पिंल् योंमा म्हि सैं तोंम्, धै ठिक त्हेर पोंबै ताँ कति छ्याँब तम्।

हितोपदेश 15:26

दुष्‍ट म्हिमैंइ मैंबै आछ्याँबै ताँमैं याहवेहजी आखो, दिलेया ठिक के लबै म्हिमैंइ मैंबै ताँमैंर खी सैं तोंम्।

हितोपदेश 17:22

सैंर सन्तोक मुँस्याँ नलेया सब् धोंन् ङ्‍हाँम्; दिलेया सैंर पिर मुँस्याँ ह्रिब्मैं ङ्युयाम्।

हितोपदेश 23:16

क्हिए सुँइ ठिक ताँ पोंमा ङए सैं बेल्‍ले तोंब्मुँ।

हितोपदेश 27:9

लिंबै थाँ खबै अत्तर नेरो छ्युगुइ म्हिलाइ आनन्द लम्, छलेन क्ह्रिबै थुइ पिंबै सल्‍लाइ सैं तोंन् लम्।

हितोपदेश 3:8

छ लइबिस्याँ क्हिए ह्रिब भोंब तब्मुँ। धै क्हि नब्-छब् तरिब् आरे।

हितोपदेश 4:22

तलेबिस्याँ ङए ताँमैं थेबै म्हिइ छ्ह योंम्, धै चए ज्यु सम्।

दर्शन 10:10

च्हमा ङइ स्‍वर्गदूतउँइँले च च्‍युथिरि काउदए प्हैं किंसि चवाइ। च ङए सुँर खुदु धोंले बेल्‍ले किगिइ, दिलेया फो न्‍होंर ह्‍याबै तोंदोंन् बेल्‍ले क्युँइ।