हितोपदेश 16:17 - परमेश्‍वरए ताँ तमु क्युइर

¹⁷ सोजो म्हिइ आछ्याँबै केमैं आल; आछ्याँबै के आलब्मैंइ छेनाले छ्ह थोल् खाँम्।

हितोपदेश 16:17 ပူးပေါင်းရင်းမြစ်များ

हितोपदेश 10:9

भर लल् खाँबै म्हि खनिर ह्‍यालै ढुक्‍कले प्रम्, दिलेया छलु म्हिलु लबै म्हिलाइ बिस्याँ म्हिमैंइ स्याब्मुँ।

हितोपदेश 19:16

परमेश्‍वरजी बिबै ताँमैं ङिंबै म्हिइ ह्रोंसए छ्ह जोगेम्; दिलेया खीजी प्रद् बिबै घ्याँलाइ तो धों आङ्हाँबै म्हि सिब्मुँ।

हितोपदेश 21:23

सुँइ खैच्हिजिले आपोंइ बिस्याँ ह्रोंसए फिर दुःख तबइले जोगेम्।

हितोपदेश 22:5

दुष्‍ट म्हिमैंए घ्याँमैंर पुजु नेरो ङोमैं तम्; ह्रोंसलाइ जोगेबै म्हि च सैमैंउँइँले ह्रेंगो टिम्।

हितोपदेश 4:23

ह्रोंसए सैंर आछ्याँबै ताँमैं आमैंन्, तलेबिस्याँ क्हिए सैंइ मैंबै ताँमैंन् क्हिए छ्हर तम्।

मत्ती 24:13

दिलेया लिउँइँ समा खीए फिर बिश्‍वास लसि टिब्मैंलाइ परमेश्‍वरजी जोगेमिंब्मुँ।

चेला चिब्मैंए केमैं 10:35

ताँन् म्हिमैं खाब ह्रेंर्बै मुँलेया परमेश्‍वरने ङ्हिंसि छ्याँबै के लमुँ च म्हिमैंलाइ खीजी खोमुँ।

चेला चिब्मैंए केमैं 24:16

छतसि परमेश्‍वर नेरो म्हिमैंए उँइँर खोंयोंन् बिले ङए सैंइ लद् बिब् धोंले ठिक के मत्‍त्रे ङइ लबै भों लरिमुँ।

हिब्रू 10:39

दिलेया ङ्यो लिउँइँ स्योसि नास तब्मैं न्होंर्बै आङिं, ङ्योम् बिश्‍वास लसिन् सोरिब्मैं न्होंर्बै ग।

यहूदाइ प्‍ह्रिबै प्ह्रिछ्या 1:21

धै खोंयोंइ आखाँबै छ्ह योंबै ल्हागिर ङ्योए प्रभु येशू ख्रीष्‍टजी लबै ल्हयो ह्रेरिमा क्हेमैं परमेश्‍वरए म्हाँयार टिरिद्।

यहूदाइ प्‍ह्रिबै प्ह्रिछ्या 1:24

क्‍हेमैंलाइ पापर च्होवाबै सैउँइँले परमेश्‍वरजी जोगेल् खाँम्, धै तोइ छ्याब् आरेब् लमिंसि परमेश्‍वरए उँइँर सैं तोंन्ले टिल् योंब लमिंल् खाँम्।

दर्शन 3:10

पृथ्‍बीर्बै ताँन् म्हिलाइ जाँच लबर दुःख तबै त्हे खब्‍मुँ। दिलेया ङइ ‘ढुक्‍कले सैदिद्’ बिमा क्‍हेमैंइ ङिंइ, छतसि च जाँच लबै त्हेर खबै दु:खउँइँले ङइ क्‍हेमैंलाइ जोगेमिंस्‍यो।