हितोपदेश 16:15 - परमेश्‍वरए ताँ तमु क्युइर

¹⁵ म्रुँलाइ सैं तोंन् लमा म्हिमैं सोल् योंम्, च ख्वालबै त्हेर नाँ पबै न्हाँम्स्यों धों खम्।

हितोपदेश 16:15 ပူးပေါင်းရင်းမြစ်များ

भजनमैं 21:6

क्ह्रोंसेंन्ले क्हिजी चलाइ खोंयोंइ आखाँबै आशिक पिंइमुँ, धै क्हि चने तमिंबइले चए सैं खोंयोंन् बिलै तोंरिम्।

भजनमैं 30:5

तलेबिस्याँ खी तिस्याँदे मत्‍त्रे ह्रिस खम्, दिलेया ङ्योए छ्ह तिगोंन् खीजी ल्हयो खरिम्। म्हुँइँस् तिमिंन् मिग्लि युलेया न्हाँगर बिस्याँ सैं तोंल् योंब्मुँ।

भजनमैं 4:6

“ङिलाइ छ्याँबै सैमैं खाबइ उँइँल् खाँमुँ?” बिसि ल्हें म्हिइ ङ्योएरिइमुँ। ओ याहवेह, ङइ ग्वार ह्रिमा क्हिए लिर्बै ह्‍वे ङिए फिर चारमिंसि आशिक पिंन्।

भजनमैं 72:6

छि खैंवाबै चउरर युबै नाँ धों तब नेरो स क्योबै झरि धों तब च तब्मुँ।

हितोपदेश 16:14

म्रुँलाइ ह्रिस खल् लबै म्हि सिल् त्हुब्मुँ, छतसि बुद्धि मुँबै म्हिइ ह्रिस खरिबै म्रुँलाइ सैं तोंन् लम्।

हितोपदेश 19:12

म्रुँ ह्रिस खब सिंह ङ्‍हेब् धों तब् ग, दिलेया म्रुँइ ल्हयो खस्याँ छिर्बै शीत धों तम्।

हितोपदेश 29:26

ल्हें म्हिमैं क्रथे मिथेमैंने प्रब् टिब् लदा ङ्हाँम्, दिलेया याहवेहजीन् म्हिमैंए ल्हागिर ठिक निसाफ लम्।

चेला चिब्मैंए केमैं 2:28

क्‍हिजी ङने छ्ह योंबै घ्‍याँ उँइँमिंइ, धै क्हि ङने बालु तसि ङए सैं बेल्‍ले तोंन् लमिंब्मुँ।’