हितोपदेश 16:14 - परमेश्‍वरए ताँ तमु क्युइर

¹⁴ म्रुँलाइ ह्रिस खल् लबै म्हि सिल् त्हुब्मुँ, छतसि बुद्धि मुँबै म्हिइ ह्रिस खरिबै म्रुँलाइ सैं तोंन् लम्।

हितोपदेश 16:14 ပူးပေါင်းရင်းမြစ်များ

उत्पत्ति 40:2

छतमा फारो ह्रोंसए थुँबै सैमैं पिंखबै चिब नेरो चबै सैमैं ह्‍योमिंबै चिबने ह्रिस खइ।

एस्तर 7:7

झाइले म्रुँ ह्रिसइ मि धों तसि अँगुरए प्हा थुँरिबै क्ल्ह्‍योउँइँले रेसि दरबारए बगैंचाए बैरु ह्‍याइ। हामान बिस्याँ ह्रोंसए ज्यु जोगेबर म्रुँस्यो एस्तरने यो छ्युँ लरिइ, तलेबिस्याँ तारे म्रुँइ दण्ड पिब्मुँ बिब चइ सेल।

हितोपदेश 15:18

युनन् ह्रिस खबै म्हिइ प्होंगि तल् लम्, दिलेया युनन् ह्रिस आखबै म्हिइ प्होंरिबै म्हिमैं क्ह्रिल् लम्।

हितोपदेश 16:13

ठिक के लबै म्हिमैंइ पोंबै ताँ थेसि म्रुँ सैं तोंम्, धै क्ह्रोंसेंन्बै ताँ पोंब्मैंलाइ म्रुँइ खोम्।

हितोपदेश 16:15

म्रुँलाइ सैं तोंन् लमा म्हिमैं सोल् योंम्, च ख्वालबै त्हेर नाँ पबै न्हाँम्स्यों धों खम्।

हितोपदेश 17:11

दुष्‍ट म्हिइ प्होंगि कैगि मत्‍त्रे लल् म्हैम्, छतसि सारो सैं मुँबै म्हि घ्रि चए बिरोधर कुलब्मुँ।

हितोपदेश 19:12

म्रुँ ह्रिस खब सिंह ङ्‍हेब् धों तब् ग, दिलेया म्रुँइ ल्हयो खस्याँ छिर्बै शीत धों तम्।

हितोपदेश 20:2

ह्रिस खसि ङ्‍हेबै सिंहने ङ्हिंब् धोंलेन् ह्रिस खबै म्रुँने ङ्हिंन्; म्रुँलाइ ह्रिस खल् लबै म्हि सिल् त्हुम्।

हितोपदेश 29:26

ल्हें म्हिमैं क्रथे मिथेमैंने प्रब् टिब् लदा ङ्हाँम्, दिलेया याहवेहजीन् म्हिमैंए ल्हागिर ठिक निसाफ लम्।

हितोपदेश 29:8

खैच्हिजिले पोंबै म्हिइ खन्तोदोंन् हल्‍ला लप्रम्, दिलेया बुद्धि मुँबै म्हिइ ह्रिस खब म्हल् लम्।

मर्कूस 6:27

छतसि हेरोद म्रुँइ सिपाइ घ्रि कुलसि यूहन्‍नाए क्र पखबर ल्हैदिइ। धै सिपाइ झेलर ह्‍यासि यूहन्‍नाए क्र थोइ।

चेला चिब्मैंए केमैं 12:20

हेरोद टुरोसथेंमैं नेरो सिदोनथेंमैने बेल्‍ले ह्रिस खल। चमैंए ह्‍युलर्बै म्हिमैंइ चबै सैए ल्हागिर म्रुँए ह्‍युलने आड किंल् त्हुमल। छतसि चमैं ताँन् खागु तसि म्रुँ ङाँर खइ, धै चमैंइ म्रुँए दरबारर्बै के लब्मैंए चिब बलस्तसने न्हों-न्हों सुँने सुँ क्ह्रिबै ल्हागिरि यो छ्युँ लइ।

२ कोरिन्थी 5:20

छतसि ङि येशू ख्रीष्‍टउँइँले खबै सैं तोंबै ताँ बिप्रब्‍मैं ग। ख्रीष्‍टए मिंर ङिइ क्हेमैंने यो छ्युँ लमुँ। क्हेमैं खीने ख्रे लब् पिवासि खीने क्ह्रिद् बिसि परमेश्‍वर ङिउँइँलेन् तसि क्हेमैंने पोंइमुँ।