हितोपदेश 15:9 - परमेश्‍वरए ताँ तमु क्युइर

⁹ दुष्‍ट म्हिमैंइ लबै के याहवेहजी आखो, दिलेया छ्याँबै के लब्मैंलाइ खीजी म्हाँया लम्।

हितोपदेश 15:9 ပူးပေါင်းရင်းမြစ်များ

भजनमैं 1:6

छलेन याहवेहजी ठिक के लब्मैं प्रल् त्हुबै घ्याँर रक्षा लमिंम्, दिलेया दुष्‍ट म्हिमैं बिस्याँ नास तबै घ्याँर प्रम्।

भजनमैं 11:7

तलेबिस्याँ याहवेहजी ठिक निसाफ लम्, ठिक केमैं खीजी खोम्; सोजो म्हिमैंइ खीए लि म्रोंब्मुँ।

भजनमैं 139:24

आछ्याँबै घ्याँर प्रइमुँ उ बिसि ङ जाँचेदु, धै खोंयोंइ आखाँबै छ्ह योंबै घ्याँर ङ डोरेमिंनु।

भजनमैं 5:5

थेब् प्हैंब्मैं क्हिए ओंसों रालन् आखाँ; आछयाँबै के लब्मैं ताँन् क्हिजी हेल लम्।

हितोपदेश 15:10

आछ्याँबै के लब्मैंइ थेबै दण्ड योंब्मुँ; धै लोदा सैंदाए ताँ आङिंबै म्हि सियाब्मुँ।

हितोपदेश 21:21

ठिक के लब नेरो म्हाँया लबै म्हिए छ्ह छ्याँब तमुँ; बिब् धों मैंब् धों तमुँ धै ताँनइ म्हाँदिम्।

हितोपदेश 21:4

क्ह्रुबै मि, थेब् प्हैबै खों, नेरो दुष्‍ट म्हिमैंइ लबै केमैं ताँन् पाप ग।

हितोपदेश 21:8

दुष्‍ट म्हिमैं आछ्याँबै घ्याँर प्रम्, दिलेया सोजो म्हिइ ठिक के लम्।

हितोपदेश 4:19

दिलेया दुष्‍ट म्हिमैं प्रबै घ्याँ बिस्याँ बेल्‍ले मिछु खैब् धों तम्; तो सैर प्हले थुरइमुँ बिसि चमैंइ आसे।

हितोपदेश 8:13

याहवेहलाइ म्हाँदिब आछ्याँबै के-ति पिब् ग। थेब् प्हैंब, शेखि लब, आछ्याँब् मैंब नेरो स्योलिबै ताँ पोंब्मैंलाइ ङइ आखो।

मत्ती 7:13

“क्हेमैं रुबै म्राउँइँले न्‍होंर होंन्, तलेबिस्याँ नर्गर बोबै म्रा प्‍ल्‍हाब नेरो कर योंब घ्याँ तमुँ, च घ्‍याँर प्रब्‍मैं ल्‍हें तम्।

१ तिमोथी 6:11

छतसि बाबु, क्‍हि परमेश्‍वरए म्‍हि ग। क्‍हिइ चु छाबै लोबए केमैं आलद्। बरु परमेश्‍वरए उँइँर छेनाले सेवा लबर, बिश्‍वासर, म्हाँयार, खैतबै दुःखन् तलेया भोंब् तसि सैदिसि थेब् आप्हैंनले ढुक्‍कले टिद्।

२ तिमोथी 2:22

छतसि क्हि फ्रेंसि तमा ज्युइँले खबै आछ्याँबै केउँइँले स्यो तद्, धै छ्याँबै सैंउँइँले प्रभुए मिं किंब्मैंने बा-बालु छ्याँबै केमैं लदै, बिश्‍वासर भोंब् तसि म्हाँयार क्ह्रिसि प्रद्।