हितोपदेश 15:27 - परमेश्‍वरए ताँ तमु क्युइर

²⁷ लोबि म्हिइ ह्रोंसए परवार दु:ख पखम्, दिलेया घुस आकिंबै म्हि सोब्मुँ।

हितोपदेश 15:27 ပူးပေါင်းရင်းမြစ်များ

भजनमैं 15:5

मुइ पिंमा ब्याज आकिंब, धै तोइ छ्याब आरेबै म्हिमैंलाइ नास लबर घुस (ख्याब) आकिंब, छाबै म्हि क्हिए पबित्र कोंर टिल् योंमुँ। छ लबै म्हिइ खोंयोंइन रक्षा योंम्।

प्रस्थान 18:21

दिलेया म्हिमैंए न्होंउँइँले ह्रब्-सेबै म्हिमैं त्हाँन्। चमैं परमेश्‍वरने ङ्हिंब्मैं, बिश्‍वास योग्यर्बै म्हिमैं, आछ्याँबै केमैं आलब छ्याँबै के लबै म्हिमैं तल् त्हुम्। चमैं हजार-हजार, प्र-प्र, ङ्‍हच्यु-ङ्‍हच्यु नेरो च्यु-च्युए फिर चिब तबर त्हाँन्।

प्रस्थान 23:8

ख्याब आचद्, तलेबिस्याँ ख्याबइ म्हिमैं मि आम्रोंब् लवाम्, धै चइ क्ह्रोंसेंन्बै ताँ आसे। छतसि छ्याब् आरेब्मैंइ निसाफ आयों।

हितोपदेश 1:19

आउलाइ लुसि छलु म्हिलुले ल्हें सै न्होर खुब्मैंए गति या छाबन् तब्मुँ; चइ खुबै सै न्होरइन चलाइ नास लवाम्।

हितोपदेश 11:19

ठिक के लबै म्हिए छ्ह छ्याँबै तमुँ, दिलेया दुष्‍ट म्हिए लिलि प्रबै म्हि कालए सुँर फेनेम्।

हितोपदेश 11:29

ह्रोंसए परवाए फिर दुःख पिंबै म्हिइ तोइ योंरिब् आरे, धै आमादु म्हि बुद्धि मुँबै म्हिए केब्छैं तब्मुँ।

हितोपदेश 15:26

दुष्‍ट म्हिमैंइ मैंबै आछ्याँबै ताँमैं याहवेहजी आखो, दिलेया ठिक के लबै म्हिमैंइ मैंबै ताँमैंर खी सैं तोंम्।

हितोपदेश 20:21

आतुरले अँश किंबै म्हिए सै न्होर लिउँइँ तोइ केर आफे।

हितोपदेश 23:4

प्लब् तबर क्हिइ दु:खले के आलद्; ह्रोंसए बुद्धिइ तोइ के आलद्।

हितोपदेश 28:16

शासन चलेबै म्हि सैं सार मुँस्याँ आछ्याँब तम्, दिलेया छलु म्हिलु लसि सै न्होर आखुबै म्हिए छ्ह ह्रिंब् तम्।

हितोपदेश 28:25

लोबि म्हिइ प्होंगि लम्, दिलेया याहवेहने भर थेंबै म्हिल बिब् धों तम्।

हितोपदेश 29:4

ठिक निसाफ बनेबै म्रुँइ ह्‍युल भोंब् लम्, दिलेया मुइए फिर मि ङ्ह्‍योब्मैंइ ह्‍युल न्होंवाम्।

१ तिमोथी 6:10

तलेबिस्याँ ताँन् आछ्याँबै सैमैंए जरन् मारा-मुइए म्हाँया लब् ग। मारा-मुइए लोबइ लमा को-कोइ परमेश्‍वरए फिर बिश्‍वास लबन् पिवासि आछ्याँबै घ्याँउँइँ प्रयाइमुँ, धै चमैंए फिर सैदिलै आखाँन् तबै दुःख तइमुँ।

१ तिमोथी 6:9

दिलेया प्लदा ङ्हाँब्मैंइ तब आतबर दुःख योंम्, चमैं आङिं-आङिं तबै सैजरे पानेम्, केरै आफेबै छेरन् तबै सै जरे सैं ह्‍याम्, छाबै सैमैंइ म्हिमैं तोइ आचैन् लवाम्।