हितोपदेश 15:25 - परमेश्‍वरए ताँ तमु क्युइर

²⁵ थेब् प्हैंबै म्हिए धिं याहवेहजी फुवाम्, दिलेया म्हरेस्योमैंए साँद खीजी जोगेमिंम्।

हितोपदेश 15:25 ပူးပေါင်းရင်းမြစ်များ

भजनमैं 10:14

दिलेया ओ परमेश्‍वर, क्हिजी दुःख योंब्मैंए दुःख म्रोंमुँ, क्हिजी चमैंए दुःख ह्रोंसए योर्न किंमुँ, दुःख योंब्मैं ताँन् क्हिए प्हलेर्न खमुँ, खाबै आरेब्मैंलाइ ल्होमिंब क्हिन् ग।

भजनमैं 138:6

याहवेह बेल्‍ले थेब मुँलेन थेब् आप्हैंब्मैंलाइ खीजी ङ्ह्‍योम्, दिलेया थेब् प्हैंब्मैं बिस्याँ खीजी ह्रेंगोउँइँलेन् ङो सेम्।

भजनमैं 146:9

अरू ह्‍युलउँइँले खबै तोइ आरेब्मैं याहवेहजी रक्षा लम्, आबा-आमा आरेब्मैं नेरो म्हरेस्योमैं खीजी ल्होमिंम्, दिलेया दुष्‍ट म्हिमैंए चाँजो खीजी फुवाम्।

भजनमैं 52:1

ओ भोंबै म्हि, आछ्याँबै केमैं लसि क्हि तले थेब् प्हैंल? क्हि तले त्हिंतिमिन् प्हैंरिम्? छाबै म्हि परमेश्‍वरजी तिफुँइ आखो!

भजनमैं 52:5

छतसि परमेश्‍वरजी क्हिलाइ योगोर्लेन् नास लवाब्मुँ; क्हिए तम्बुउँइँलेन् खीजी क्हि चैंबोब्मुँ, सोगोंमैंए ह्‍युलउँइँले खीजी क्हि स्युसि भ्योंवाब्मुँ। तिस्याँदे मैंन्

हितोपदेश 12:7

दुष्‍ट म्हिमैं भ्योंवाब्मुँ, चमैं चैरिब् आरे; ठिक के लबै म्हिमैंए धिं बिस्याँ खोंयोंन् बिलै तरिब्मुँ।

हितोपदेश 14:11

दुष्‍ट म्हिमैंए धिं फुवाब्मुँ, ठिक के लब्मैंल बिब् धोंन् तब्मुँ।

हितोपदेश 15:26

दुष्‍ट म्हिमैंइ मैंबै आछ्याँबै ताँमैं याहवेहजी आखो, दिलेया ठिक के लबै म्हिमैंइ मैंबै ताँमैंर खी सैं तोंम्।

हितोपदेश 23:10

स्योंम् ओंनोंबै युँमा क्योबै साँद आस्योद्, टार-टोरमैंए क्‍ल्‍ह्‍यो न्हें आचब्दिद्।

याकूब 1:27

बरु ङ्योए परमेश्‍वर आबाजी खोबै केमैं चुन् ग: टार-टोरमैं नेरो म्हरेस्योमैंए दुःखर ल्होमिंब, धै ह्रोंसै या चु ह्‍युलर्बै पाप केउँइँले ह्रेंगो टिब।

१ पत्रुस 5:5

छलेन ओ फ्रेंसि छमिमैं, क्हेमैंए चिब्मैंइ बिब् ङिंन्। क्‍हेमैं ताँन् ह्रोंस ह्रोंसए न्होंर थेब् आप्हैंन्ले घ्रिइ घ्रिए सेवा लद्, तलेबिस्याँ परमेश्‍वरए छ्वेर छले प्ह्रिइमुँ: “परमेश्‍वरजी थेब् प्हैंब्मैंए बिरोध लम्, दिलेया थेब् आप्हैंब्मैंए फिर आशिक पिंम्।”