हितोपदेश 15:18 - परमेश्‍वरए ताँ तमु क्युइर

¹⁸ युनन् ह्रिस खबै म्हिइ प्होंगि तल् लम्, दिलेया युनन् ह्रिस आखबै म्हिइ प्होंरिबै म्हिमैं क्ह्रिल् लम्।

हितोपदेश 15:18 ပူးပေါင်းရင်းမြစ်များ

हितोपदेश 10:12

आगुलाइ म्‍लोसि पोंमा प्होंगि तम्, दिलेया म्हाँया लमा आछ्याँबै ताँमैं म्‍लेयाम्।

हितोपदेश 14:29

युनन् ह्रिस आखबै म्हि बुद्धि मुँबै म्हि ग, दिलेया युनन् ह्रिस खबै म्हि आमादु ग।

हितोपदेश 15:1

च्योंने तइ पोंमा खरिबै ह्रिस या म्हम्, दिलेया ठस-ठसले पोंमा झन ह्रिस खम्।

हितोपदेश 15:19

प्ल्हेगुए घ्याँ पुजुए बार मुँब् धों तम्, दिलेया सोजो म्हि प्रबै घ्याँ छ्याँबै मुल घ्याँ तम्।

हितोपदेश 16:14

म्रुँलाइ ह्रिस खल् लबै म्हि सिल् त्हुब्मुँ, छतसि बुद्धि मुँबै म्हिइ ह्रिस खरिबै म्रुँलाइ सैं तोंन् लम्।

हितोपदेश 16:28

स्योलिबै ताँ लबै म्हिइ प्होंगि लम्, धै आगुए ताँ लप्रबै म्हिइ क्ह्रिरिबै थुमैंया आक्ह्रिल् लवाम्।

हितोपदेश 22:24

ह्रिस खबै म्हिने थु आतद्, युनन् ह्रिस खबै म्हिने प्रब् टिब् आलद्,

हितोपदेश 25:15

ह्रिस आखल्‍ले पोंबै म्हिइ शासन लब्मैंलाइ वाँल् खाँम्; धै छ्याँबै ताँ पोंमा ह्रिब्मैं या गाल्दिवाल् खाँम्।

हितोपदेश 26:21

मि भुराए ल्हागिर क्रोफुँ धै मिए ल्हागिर सिं चैदिब् धोंलेन् प्होंगि मिबै म्हिइ प्होंब्-कैब् मचैम्।

हितोपदेश 28:25

लोबि म्हिइ प्होंगि लम्, दिलेया याहवेहने भर थेंबै म्हिल बिब् धों तम्।

हितोपदेश 29:22

दुष्‍ट म्हिइ प्होंगि लम्, धै युनन् ह्रिस खबै म्हिइ ल्हें पाप लम्।

मत्ती 5:9

आक्‍ह्रिबै म्हिमैं क्ह्रिमिंब्मैंइ आशिक योंब्मुँ, तलेबिस्याँ परमेश्‍वरजी चमैंने खीए सन्‍तान बिब्‍मुँ।