हितोपदेश 15:14 - परमेश्‍वरए ताँ तमु क्युइर

¹⁴ ताँ क्होबै म्हिइ ज्ञानए ताँ म्हैम्, दिलेया आमादुमैंए सुँइ आछ्याँबै ताँमैं पोंम्।

हितोपदेश 15:14 ပူးပေါင်းရင်းမြစ်များ

भजनमैं 119:100

चिब्मैंइ भन्दा ङइ ल्हें च्हैंब् मैंब् लल् खाँम्; तलेबिस्याँ क्हिजी ल्हैदिबै केमैं ङइ लम्।

भजनमैं 119:97

क्हिए ठिम ङइ बेल्‍ले खोम्! त्हिंतिमिन् ङ चन् मैंरिम्।

हितोपदेश 1:5

ह्रब्-सेबै म्हिइ थेरिगे धै ल्हें ह्रब-सेब तरिगे, धै क्होबै म्हि ल्हें क्होल् खाँब् तरिगे।

हितोपदेश 12:23

ताँ क्होबै म्हिइ ह्रोंसइ ह्रब् सेबै ताँ आगुने बिप्रदै आपों, दिलेया आमादुमैंइ बिस्याँ ह्रोंसइ लबै आछ्याँबै ताँ बिप्रम्।

हितोपदेश 15:15

आगुइ ह्रुगुदिब्मैं खोंयोंन् बिलै दुःखन् योंरिल् त्हुम्, दिलेया सैं तोंरिल् योंब्मैं खोंयोंन् बिलै छिं ङ्‍हाँल् योंब्मुँ।

हितोपदेश 18:15

ह्रब् सेब् तदा ङ्‍हाँबै म्हिइ ज्ञान बुद्धिए ताँमैं क्होल् म्हैम्; धै बुद्धि मुँबै म्हिइ छाबै ताँमैं थेबै सैं लम्।

हितोपदेश 9:9

बुद्धि मुँबै म्हिलाइ अर्थि पिंमा च झन ह्रब्-सेब् तब्मुँ; ठिक के लबै म्हिलाइ लोमिंमा चइ झन् च्हैंब् मैंब् लल् खाँब्मुँ।

चेला चिब्मैंए केमैं 17:11

चर्बै यहूदीमैं थेसलोनिकाथेंमैं भन्दा स्वाब मुँल: चमैंइ परमेश्‍वरए ताँ बेल्‍ले छ्याँब ङ्हाँसि सैंर किंइ, धै चु ताँमैं पावलइ बिबै ताँने क्ह्रिम् उ आक्ह्रि बिसि त्हिंइ ह्रोंसे परमेश्‍वरए छ्वेर्बै ताँमैं खेसि क्होल् म्हैमल।

२ पत्रुस 3:18

बरु ङ्योलाइ जोगेमिंबै प्रभु येशू ख्रीष्‍टए थेबै दयाम्हाँया नेरो बुद्धिर बडिदै ह्‍याद्। खीलाइ तोगो नेरो खोंयोंइ या थेबै मान तरिगे। आमेन, छान् तरिगे।