हितोपदेश 15:13 - परमेश्‍वरए ताँ तमु क्युइर

¹³ सैं तोंस्याँ म्हिए लि वाँ-वाँ ब्योंम्, दिलेया न्हुँ तमा सैं आतों।

हितोपदेश 15:13 ပူးပေါင်းရင်းမြစ်များ

हितोपदेश 12:25

न्हुँ लबै म्हि भों आखन् तम्, दिलेय छ्याँबै ताँइ म्हिलाइ सैं तोंल् लम्।

हितोपदेश 14:30

सैंर न्हुँ आरेस्याँ ज्यु छ्याँब तमुँ, दिलेया आगुए फिर ह्रिस लमा ह्रुइब क्राँयाम्।

हितोपदेश 15:15

आगुइ ह्रुगुदिब्मैं खोंयोंन् बिलै दुःखन् योंरिल् त्हुम्, दिलेया सैं तोंरिल् योंब्मैं खोंयोंन् बिलै छिं ङ्‍हाँल् योंब्मुँ।

हितोपदेश 17:22

सैंर सन्तोक मुँस्याँ नलेया सब् धोंन् ङ्‍हाँम्; दिलेया सैंर पिर मुँस्याँ ह्रिब्मैं ङ्युयाम्।

हितोपदेश 18:14

म्हि सोदा ङ्‍हाँबै सैंइ च नरिबै त्हेर आश् पिंम्, दिलेया च सैं आरेस्याँ सोबै आशा म्हयाम्।

यूहन्‍ना 14:1

“क्‍हेमैंए सैं खैता-खैता आङ्हाँन्। क्हेमैंइ परमेश्‍वरए फिर बिश्‍वास लमुँ, छलेन ङए फिरै या बिश्‍वास लद।

२ कोरिन्थी 1:12

चु ताँ बिल् योंमा ङि ङ्‍हो च्हौ प्ल्ह्‍याब् धों ङ्हाँइमुँ, ङिए सैंज्यै या छान् बिम्। ङिइ चु ह्‍युलर छ्ह थोमा छ्याँबै केमैं लसि छेनाले प्रब्-टिब लइ, क्‍हेमैंने मुँमै या ङि छेनाले प्रब्-टिब पोंब लसि परमेश्‍वरए क्‍ह्रोंसेंन्बै घ्याँर प्रल। ङिइ छाबै केमैं म्‍हिए ज्ञान बुद्धिउँइँले लब आङिं, चु केमैं ङिइ परमेश्‍वरए दयाम्हाँयाउँइँले लल् खाँब् ग।

२ कोरिन्थी 2:7

तारे क्‍हेमैंइ च म्हिलाइ क्षमा पिंसि भों या पिंल् त्‍हुम्। छ आलस्‍याँ च म्‍हि झन् न्हुँ लसि सैं च्योंब तम्।

२ कोरिन्थी 7:10

तलेबिस्याँ परमेश्‍वरउँइँले खबै न्हुँइ लमा क्हेमैंइ आछ्याँबै के लब् पिसि खोंयोंइ आखाँबै छ्ह योंम्। खीए छ्याँबै घ्‍याँर प्रमा ङ्यो खोंयोंइ पछुत् खल् आत्‍हु। दिलेया ह्‍युलउँइँले खबै न्हुँइ बिस्याँ ङ्यो नास लवाम्।