हितोपदेश 14:9 - परमेश्‍वरए ताँ तमु क्युइर

⁹ आछ्याँबै के कतिन् ललेया आमादुमैंइ तो धोंइ आङ्हाँ, दिलेया ठिक के लबै म्हिलाइ ताँनइ म्हाँदिम्।

हितोपदेश 14:9 ပူးပေါင်းရင်းမြစ်များ

हितोपदेश 1:22

“ओ आमादुमैं, क्हेमैं खोंयों समा ज्ञान बुद्धिलाइ तो धोंइ आङ्हाँन्ले प्ररिमुँ? खोंयों समा आउलाइ प्ह्रबै ताँमैं लसि सैं तोंरिमुँ, ओ आमादुमैं, तले जा, क्हेमैंइ ज्ञान बुद्धिलाइ तो धोंइ आङ्हाँब?

हितोपदेश 10:23

आछ्याँबै के लमा सैं तोंस्याँ बुद्धि आरे, दिलेया च्हैंब् मैंब् लसि ताँ क्होल् खाँबै म्हि ज्ञान बुद्धिए ताँर सैं तोंम्।

हितोपदेश 11:20

आछ्याँबै सैं मुँबै म्हिलाइ याहवेहजी आखो, दिलेया ठिक के लप्रबै म्हि म्रोंसि खी सैं तोंम्।

हितोपदेश 12:2

स्वाबै म्हिलाइ याहवेहजी ल्हयो खम्, आछयाँबै के लबै म्हिलाइ खीजी दोषि ठर्दिब्मुँ।

हितोपदेश 13:15

बुद्धि मुँबै म्हिलाइ ताँनइ म्हाँदिम्, दिलेया छलु म्हुलु लबै म्हिए फिर दु:ख खम्।

हितोपदेश 3:34

आगुलाइ प्ह्रब्मैंलाइ खीजी प्ह्रम्, दिलेया कुरब्मैंलाइ खीजी ल्हयो खम्।

हितोपदेश 3:4

छ लइबिस्याँ परमेश्‍वर नेरो म्हिमैंउँइँले क्हिइ थेबै मान योंब्मुँ।

हितोपदेश 30:20

फ्रें क्ल्योंप्रबै च्हमिरिए चाल छाब् तम्: च म्हिने प्रमुँ, धै ज्यु ख्रुमुँ, झाइले “ङइ तोइ गल्ति आलइमुँ,” बिम्।

हितोपदेश 8:35

तलेबिस्याँ खाबइ ङलाइ त्होमुँ, चइ छ्ह योंम् धै याहवेहजी चए फिर ल्हयो खम्।

यहूदाइ प्‍ह्रिबै प्ह्रिछ्या 1:18

“आखिरि त्हिंइर क्‍हेमैंलाइ बिल्‍लि लब्‍मैं त्होंब्मुँ। चमैं परमेश्‍वरलाइ आम्हाँदिल्‍ले ह्रोंसए सैंउँइँले खबै आछ्याँबै ताँमैंए लिलिन् प्रब्‍मुँ,” बिसि चमैंइ क्‍हेमैंने बिब्रें लमल।