हितोपदेश 14:35 - परमेश्‍वरए ताँ तमु क्युइर

³⁵ बुद्धि मुँबै केब्छैं म्रोंसि म्रुँ सैं तोंम्, फापिल् लबै केब्छैं म्रोंसि च बेल्‍ले ह्रिस खम्।

हितोपदेश 14:35 ပူးပေါင်းရင်းမြစ်များ

उत्पत्ति 41:38

झाइले फारो म्रुँइ चमैंने बिइ, “चु धों तबै परमेश्‍वरए प्ल्ह मुँबै म्हि ङ्योइ अरू योंल् खाँम्मा?”

एस्तर 7:7

झाइले म्रुँ ह्रिसइ मि धों तसि अँगुरए प्हा थुँरिबै क्ल्ह्‍योउँइँले रेसि दरबारए बगैंचाए बैरु ह्‍याइ। हामान बिस्याँ ह्रोंसए ज्यु जोगेबर म्रुँस्यो एस्तरने यो छ्युँ लरिइ, तलेबिस्याँ तारे म्रुँइ दण्ड पिब्मुँ बिब चइ सेल।

हितोपदेश 10:5

सर्खर म्‍ल्ह-नारि खुसि थेंबै च्ह बुद्धि मुँबै च्ह ग, दिलेया बालि खैबै त्हेर रोरिबै च्हइ आबाए मिं वाम्।

हितोपदेश 14:34

ठिक के लमा ह्‍युलए मिं थेब् तम्, दिलेया पापइ ह्‍युलए न-मि वाम्।

हितोपदेश 16:13

ठिक के लबै म्हिमैंइ पोंबै ताँ थेसि म्रुँ सैं तोंम्, धै क्ह्रोंसेंन्बै ताँ पोंब्मैंलाइ म्रुँइ खोम्।

हितोपदेश 17:2

बुद्धि मुँबै केब्छैंइ केर आफेबै च्हलाइ न्होंर थेंब्मुँ, धै च्हइ धोंले चइ खे-बाज्युमैंए सै न्होर योंब्मुँ।

हितोपदेश 19:26

ह्रोंसए आबालाइ लुडेब नेरो आमालाइ ल्हावाबै च्ह फाआपिबै बेजति या।

हितोपदेश 20:26

बुद्धि मुँबै म्रुँइ दुष्‍ट म्हिमैंलाइ प्हुँवाब्मुँ, धै म्ल्ह-नारिमैं नेबै चक्‍कामैं चमैंए फिर दल्दिब्मुँ।

हितोपदेश 20:8

ह्रोंसए राजगद्दिर टिसि निसाफ लमा म्रुँइ आछ्याँबै के लब्मैं ताँन् सेम्।

हितोपदेश 22:11

छ्याँबै सैं नेरो छ्याँबै सुँले पोंबै म्हिल म्रुँ या थु तम्।

हितोपदेश 25:5

आछ्याँबै म्हिमैं म्रुँउँइँले बैरु तेवाद्, धै चए ग्याल्स भोंब तब्मुँ।

हितोपदेश 29:12

चिबइ स्योर्गु ताँमैं ङेंस्याँ चए के लब्मैं ताँन दुष्‍ट तब्मुँ।

मत्ती 25:21

“चए के म्रोंसि क्ल्हेजी चने बिइ, ‘स्‍याबास! क्‍हि छ्याँबै के लब नेरो भर लल् खाँब् तइ! क्हि च्युगुदे सैरै या भर लल् खाँब् तइ। छतसि तारे ङइ ल्‍हें सैमैंए जिम्मा क्हिलाइ पिंब्मुँ। क्हि ह्रोंसए क्ल्हेने बालुन् सैं तोंन्ले टिद्।’

मत्ती 25:23

“चए के म्रोंसि क्ल्हेजी चने बिइ, ‘स्‍याबास! क्‍हि छ्याँबै के लब नेरो भर लल् खाँब् तइ! क्हिइ च्युगुदे सैरै या छ्याँबै के लसि भर लल् खाँब् तइ। छतसि तारे ङइ ल्‍हें सैमैंए जिम्मा क्हिलाइ पिंब्मुँ। क्हि ह्रोंसए क्ल्हेने बालुन् सैं तोंन्ले टिद्।’