हितोपदेश 14:32 - परमेश्‍वरए ताँ तमु क्युइर

³² दुष्‍ट म्हिमैंए लबै केइ ह्रोंसन् नास तयाम्, दिलेया ठिक के लब्मैं सिमै या आशा योंम्।

हितोपदेश 14:32 ပူးပေါင်းရင်းမြစ်များ

उत्पत्ति 49:18

“ओ याहवेह, क्हिजी जोगेमिंम् बिसि ङ पैंरिइमुँ।

भजनमैं 16:11

क्हिजी खोंयोंइ आखाँबै छ्ह योंबै घ्याँ ङलाइ उइमिंइमुँ; क्हिने त्होमा ङए सैं बेल्‍ले तोंन् लमिंब्मुँ; क्हिए क्योलो योर खोंयोंन् बिलै सैं तोंल् योंम्।

भजनमैं 17:15

ङ ठिक के लसि क्हिए लि ङ्‍ह्‍योब्मुँ, धै छोरमा ङ क्हिलाइ म्रोंसि सैं तोंब्मुँ।

भजनमैं 23:4

मिछु खैबै खोल्सर प्रल् त्हुलेया ङ तो सैने या ङ्हिंरिब् आरे, तलेबिस्याँ क्हि ङने बालु मुँ; क्हिए तुँबै प्हरे नेरो ह्‍वाबै प्हरेइ ङए रक्षा लम्।

भजनमैं 37:37

छ्याब् आरेबै म्हिमैंलाइ मैंन्, सोजो म्हिमैंलाइ ङ्ह्‍योद्; तलेबिस्याँ छाबै म्हिमैंल सन्‍तानमैं तब्मुँ।

भजनमैं 58:9

पिंग्या मुँले कारयाब मुँलेया पुजु युनन् लुँसि क्हेमैंए भाँडोमैं लाब् भन्दा ओंसोंन् परमेश्‍वरजी दुष्‍ट म्हिमैं नास लवाब्मुँ।

भजनमैं 73:24

क्हिजी सल्‍ला पिंसि ङलाइ डोरेमिंम्, धै लिउँइँ ङ क्हि ङाँर मान योंबै क्ल्ह्‍योर बोब्मुँ।

हितोपदेश 11:5

भर लल् खाँबै म्हिइ लबै ठिक केइन च प्रबै घ्याँ छ्याँब लब्मुँ, दिलेया दुष्‍ट म्हिमैं बिस्याँ ह्रोंसइ लबै आछ्याँबै केइन क्युरु खारयाम्।

हितोपदेश 14:33

ताँ क्होबै म्हिए सैंर बुद्धि तम्, दिलेया आमादुमैंने बुद्धि मुँबै ताँमैं कति आरे।

हितोपदेश 24:16

तलेबिस्याँ ठिक के लबै म्हि ङिखे समा क्हुरियालेया धबै रेम्, दुष्‍ट म्हिमैं बिस्याँ थेबै दु:ख तसि नास तब्मुँ।

हितोपदेश 5:22

ह्रोंसइ लबै आछ्याँबै केइन दुष्‍ट म्हि ङोर फेम्, धै ह्रोंसइ लबै आछ्याँबै केमैंन च पापर च्होवाम्।

हितोपदेश 6:15

छतसि चए फिर थाइ आसेल्‍ले दुःख खब्मुँ; धै मैं-ङों लल् आयोंल्‍लेन् च सियाब्मुँ।

लूका 2:29

“ओ प्रभु, तोगो क्‍हिजी ङने बिबै ताँ पूरा लमिंइमुँ, तारे ङ छेनाले सि‍याल् खाँम्।

यूहन्‍ना 8:21

येशूजी धबै चमैंने बिइ, “ङ छुइले ह्‍याब्मुँ, झाइले क्‍हेमैंइ ङ म्‍हैब्‍मुँ, दिलेया क्‍हेमैं ह्रोंसए पापर्न सियाब्मुँ। तलेबिस्याँ ङ ह्‍याबै क्ल्ह्‍योर क्‍हेमैं खल् आखाँ।”

यूहन्‍ना 8:24

ङइ क्हेमैंने बिइ, क्‍हेमैं ह्रोंसए पापर्न सिब्मुँ, तलेबिस्याँ ‘ङ जोगेमिंबै म्रुँ ख्रीष्‍ट ग’ बिसि क्हेमैंइ आक्वेंस्याँ क्हेमैं ह्रोंसए पापर्न सिब्मुँ।”

रोमी 9:22

छलेन परमेश्‍वरलै या ह्रोंसए ह्रिस नेरो शक्‍ति उँइँबै सैं मुँ। दिलेया ह्रिसर कुमालेइ भाँड कोचेब् धोंले कोचेल् त्हुबै म्‍हिमैं मुँलेया खीजी चमैंए आछ्याँबै केमैं सैदिसि टिइमुँ।

२ कोरिन्थी 1:9

तारेम् च्हगन् तइ ङिम् सिबन् मुँन बिब् समन् ङिइ मैंयाल। दिलेया ङिइ ह्रोंसए फिर भर आलरिगे बरु सिब्‍मैंलाइ सोगों लमिंबै परमेश्‍वरए फिर भर लरिगे बिसि छ तब् मुँन।

२ कोरिन्थी 5:8

ङ्योए सैंर बेल्‍ले भों खम्, धै ङ्यो चु ज्युउँइँले फ्रेसि ङ्यो प्रभुने बालुन् टिबै सैं खम्।

फिलिप्पी 1:21

तलेबिस्याँ ङए ल्हागिर सोब बिब येशू ख्रीष्‍टने प्रब् ग। धै सिस्‍याँ ख्रीष्‍टने टिसि झन् बेल्‍ले छ्याँब तम्।

फिलिप्पी 1:23

ङए सैं ङ्हिरि तइमुँ। चु ङ्हिरोबै छ्ह पिसि ख्रीष्‍टने बालु टिब ङए थेबै सैं मुँ, ङए ल्हागिरि च ताँ बेल्‍ले छ्याँब तमल।

१ थेसलोनिकी 5:3

च त्हेर म्‍हिमैंइ “शान्‍ति ने सुरक्षा तइमुँ, ङ्योए फिर आछ्याँबै ताँ तोइ तल् आखाँ,” बिरिमा सुत्‍केरि बेथा ल्हैदिब् धोंले तिखेर्न चमैंए फिर दुःख तब्‍मुँ। च दुःखउँइँले खाबै या स्योरल् आखाँ।

२ तिमोथी 4:18

प्रभुजी ङलाइ ताँन् आछ्याँबै सैमैंउँइँले जोगेमिंब्मुँ। झाइले खीए स्‍वर्गर मुँबै ग्याल्सर बोब्मुँ। खीलाइ म्हिमैंइ खोंयोंइन् बिलै या थेबै मान लरिगे। आमेन, छान् तरिगे!

दर्शन 14:13

च लिउँइँ “चु ताँ प्‍ह्रिद्: प्रभुए फिर बिश्‍वास लबइले तारे पिरु दु:ख योंसि सिब्‍मैंइ आशिक योंब्मुँ,” बिसि स्‍वर्गउँइँले युबै कै ङइ थेइ। झाइले पबित्र प्ल्हजी बिइ, “चु ताँ क्‍ह्रोंसेंन् ग। चमैंइ दु:खले लबै केमैंए नों योंसि छिं ङ्हाँल् योंब्‍मुँ।”