हितोपदेश 14:31 - परमेश्‍वरए ताँ तमु क्युइर

³¹ ङ्‍हाँदुमैंलाइ क्र ओल् आपिंब्मैंइ चमैंलाइ बनेबै परमेश्‍वरलाइ मान आल, दिलेया आयों-आख्युब्मैंए खाँचो टार्दिमिंबै म्हिइ परमेश्‍वरए मान लमुँ।

हितोपदेश 14:31 ပူးပေါင်းရင်းမြစ်များ

भजनमैं 12:5

“आखाँम्मैं लुडिवाइमुँ, धै ङ्हाँदुमैंइ दुःखए सो हेंइमुँ। छतसि तारे ङ रेब्मुँ, धै चमैंए न्होह्रों लब्मैंउँइँले ङइ चमैं जोगेमिंब्मुँ,” बिसि याहवेहजी बिमुँ

हितोपदेश 14:21

ह्रोंसए ङ्‍हेब्-ट्हुब्मैंलाइ हेल लबै म्हिइ पाप लम्, दिलेया आयोंब्-आख्युब्मैंए खाँचो टार्दिमिंबै म्हिइ आशिक योंम्।

हितोपदेश 17:5

ङ्‍हाँदुमैंलाइ प्ह्रबै म्हिइ चलाइ बनेबै परमेश्‍वरए आब्रु वाब् ग; धै आगुए फिर दुःख तमा सैं तोंबै म्हिमैंइ दण्ड योंब्मुँ।

हितोपदेश 19:17

आयो-आख्युब्मैंलाइ पिंब याहवेहलाइ खि पिंब् ग, धै खाबइ तो लइमुँ चए इनाम खीजी पिंब्मुँ।

हितोपदेश 22:16

ह्रोंसए सै न्होर ल्हें लबर ङ्‍हाँदुमैंलाइ ह्रुगुदिब्मैं नेरो प्लब्मैंलाइ क्होल्समैं पिंब ङ्हिंन-ङ्हिंन् ङ्‍हाँदु तब्मुँ।

हितोपदेश 22:2

प्लब्मैं नेरो ङ्‍हाँदुमैं खाबै स्यो आरे, तलेबिस्याँ चमैं ङ्हिंन-ङ्हिंन् याहवेहजीन् बनेब् ग।

हितोपदेश 28:8

ब्याज ल्हें किंसि ह्रोंसए सै न्होर ल्हें लबै म्हिइ ङ्हाँदुमैंए फिर ल्हयो खबै म्हिए ल्हागिर सै न्होर खुम्!

यूहन्‍ना 12:8

तलेबिस्याँ ङ्हाँदुमैं खोंयोंइ या क्‍हेमैंने तरिम्। ङ बिस्याँ खोंयोंइ क्‍हेमैंने बालु आत।”

१ यूहन्‍ना 4:21

खीजी ङ्योने लद् बिबै ताँ चुन् ग: परमेश्‍वरलाइ म्हाँया लबै म्हिइ ह्रोंसए बिश्‍वासी अलि-अङाँमैंलाज्यै या सैं न्होंउँइँलेन् म्हाँया लल् त्‍हुम्।