हितोपदेश 14:3 - परमेश्‍वरए ताँ तमु क्युइर

³ आमादुइ ह्रोंसलाइन न्होह्रों तल्‍ले पोंमुँ, दिलेया बुद्धि मुँबै म्हिइ पोंबै ताँइ चमैंलाइ जोगेम्।

हितोपदेश 14:3 ပူးပေါင်းရင်းမြစ်များ

भजनमैं 12:3

फिब्लो पार्दिसि पोंब्मैं, नेरो थेब् प्हैंसि पोंब्मैं याहवेहजी थोवारिगे।

भजनमैं 31:18

स्योर ताँ पोंबै चमैंए म्हदेमैं म्रुयारिगे, तलेबिस्याँ चमैंइ थेब् प्हैंदै ठिक के लब्मैंए बिरोधर म्हि आच्हिल्‍ले पोंम्।

भजनमैं 57:4

ङ सिंहमैं धों तबै म्हिमैंए म्हाँजोर मुँ; म्हिलाइ नास लबै खेदोमैंने ङ टिल् त्हुइमुँ। चुमैंए स बर्षा नेरो मे धों तब मुँ, चुमैंए ले बेल्‍ले छ्यारबै क्होज धों तब मुँ।

हितोपदेश 12:6

म्हिमैंलाइ सैले बिसि दुष्‍ट म्हिमैं ताँ लप्रम्, दिलेया ठिक के लब्मैंइ पोंबै ताँइ चमैंलाइ जोगेमिंम्।

हितोपदेश 13:3

खैच्हिजिले आपोंबै म्हिए छ्हर बिब् धों तम्, सुँर तो खमुँ चन् पोंबै म्हि नास तयाम्।

हितोपदेश 14:4

क्ल्योबै क्ल्या आरेबै धिंर भकारिमैं क्होत्तेन् तम्, दिलेया क्ल्या क्ल्योमा ल्हें रा-म्रोमैं खुल् योंम्।

हितोपदेश 18:6

आमादुइ पोंबै ताँइ प्होंगि मिम्, धै ह्रोंसए सुँइ लमन् चलाइ आगुइ प्रिंम्।

हितोपदेश 18:7

ह्रोंसइ पोंबै ताँइन आमादुल न्होह्रों तम्; ह्रोंसइ पोंबै ताँइ लमन् च ङोर फेम्।

हितोपदेश 21:24

ह्रिस खदै ओग्रोंले के लबै म्हिलाइ “घमण्डि” बिम्, च दयाम्हाँया आरेब नेरो बुद्धि आरेब् तम्।

हितोपदेश 22:8

आछ्याँबै के लप्रबै म्हिए फिर दु:ख खम्; धै अरूलाइ दु:ख पिंप्रब चइ पियाब्मुँ।

हितोपदेश 28:25

लोबि म्हिइ प्होंगि लम्, दिलेया याहवेहने भर थेंबै म्हिल बिब् धों तम्।

२ पत्रुस 2:18

चमैंइ ङिम् ङिन् ग बिब् प्हैंसि थे-थेबै ताँमैं लम्, धै भर्खर आछ्याँबै घ्याँ पिसि छ्याँबै घ्याँर ल्हैदिब्मैंलाइ ज्युउँइँले खबै इच्‍छार लोब उँइँमिंसि फस्ला फस्लु लवाम्।

दर्शन 12:11

ङ्योए अलि-अङाँमैंइ क्‍यु च्हजए को नेरो खेंमैंइ पिंबै ग्वाइउँइँले च दुष्‍टए फिर ट्होइमुँ, तलेबिस्याँ खेंमैंए ज्युए म्हाँया आलल्‍ले चमैं सिबरै या तयार मुँल।

दर्शन 3:10

पृथ्‍बीर्बै ताँन् म्हिलाइ जाँच लबर दुःख तबै त्हे खब्‍मुँ। दिलेया ङइ ‘ढुक्‍कले सैदिद्’ बिमा क्‍हेमैंइ ङिंइ, छतसि च जाँच लबै त्हेर खबै दु:खउँइँले ङइ क्‍हेमैंलाइ जोगेमिंस्‍यो।