हितोपदेश 14:29 - परमेश्‍वरए ताँ तमु क्युइर

²⁹ युनन् ह्रिस आखबै म्हि बुद्धि मुँबै म्हि ग, दिलेया युनन् ह्रिस खबै म्हि आमादु ग।

हितोपदेश 14:29 ပူးပေါင်းရင်းမြစ်များ

हितोपदेश 14:17

युनन् ह्रिस खबै म्हिइ न्होह्रों तबै के लम्, धै छलु म्हिलु लबै म्हि खाबज्यै आखो।

हितोपदेश 14:28

जनता ल्हें तस्याँ म्रुँइ मान इजेत योंम्, दिलेया जनता आरेस्याँ म्रुँए शासन नास तयाम्।

हितोपदेश 15:18

युनन् ह्रिस खबै म्हिइ प्होंगि तल् लम्, दिलेया युनन् ह्रिस आखबै म्हिइ प्होंरिबै म्हिमैं क्ह्रिल् लम्।

हितोपदेश 16:32

ल्हडेंर नेबर ह्‍याबै म्हि भन्दा युनन् ह्रिस आखबै म्हि थेब ग, ह्रिस थाम्दिल् खाँबै म्हि सहरलाइ ट्होबै म्हि भन्दा थेब् ग।

हितोपदेश 17:27

बुद्धि मुँबै म्हिइ ल्हें आपों, धै च्हैब् मैंब् लल् खाँबै म्हि युनन् ह्रिस आख।

हितोपदेश 19:11

च्हैंब् मैंब् लल् खाँबै म्हिइ ह्रिस थाम्दिल् खाँम्, आगुइ सैं नल् ललेया तोइ आङ्हाँब चए ल्हागिर छ्याँब ग।

हितोपदेश 25:28

ह्रोंसए सैंलाइ अधीनर थेंल् आखाँबै म्हि गारा आझोंबै सहर धों तब् ग।

हितोपदेश 25:8

आतुरले अदालतर आह्‍याद्; तलेबिस्याँ क्हिए ङ्‍हेब्-ट्हुब्मैंइ लिउँइँ फापिन् लइबिस्याँ क्हिइ तो लमुँ?

हितोपदेश 4:8

बुद्धिए ताँमैं थेबै सै धों ङ्‍हाँन्, चइ क्हिए न-मि थेब् लब्मुँ; चलाइ म्हैद्, छलस्याँ चइ क्हिए आब्रु थेंब्मुँ।

मत्ती 11:29

ङए खर्गु नोद्, धै ङने बालु लोद्, तलेबिस्याँ ङ ताँनए फिर ल्हयो खम्, धै ङ थेब् आप्‍हैं। छतसि क्‍हेमैंए सैंर छिं ङ्हाँल् योंब्मुँ।

मत्ती 2:16

ङ्‌ह्‍योब् लिब्मैंइ खीने स्योर तेना बिब् सेसि हेरोद बेल्‍ले ह्रिस खइ। चइ मुसारा म्रोंबै त्हे च ङ्‌ह्‍योब् लिब्मैंने ङ्योएसि ओंसोंन् था सेल् खाँल। छतमा चमैंइ बिबै त्हे मैंसि हेरोदइ बेथलेहेम नेरो च खागुबै नाँसजरेबै ङ्हिंदि न्होंर्बै मुँयुँ कोलोमैं ताँन् सैबर ल्‍हैदिइ।

याकूब 1:19

ओ ङए खोबै अलि-अङाँमैं, क्हेमैं ताँनइ चु ताँ सेल् त्हुम्, ताँन् म्हिमैं छिट्ले ङेंब, क्हैल्‍ले पोंल् त्हुम्, धै युनन् ह्रिस खल् आत।