हितोपदेश 14:26 - परमेश्‍वरए ताँ तमु क्युइर

²⁶ याहवेहने ङ्हिंबै म्हिइ रक्षा योंम्, धै चए प्हसेमैंए ल्हागिर खी लोबै क्ल्ह्‍यो तब्मुँ।

हितोपदेश 14:26 ပူးပေါင်းရင်းမြစ်များ

उत्पत्ति 31:42

ङए आबाए परमेश्‍वर, ङए बाज्यु अब्राहाम नेरो इसहाकए परमेश्‍वर ङने बालु आरेस्याँ क्ह्रोंसेंन क्हिइ ङए यो क्होत्तेन् कुल्मिंमल। दिलेया ङइ योंबै दुःख नेरो ङइ लबै के खीजी म्रोंइ। छतसि खीजी तल् म्हुँइँसर क्हिलाइ हौदिब् ग।”

भजनमैं 112:1

याहवेहए मिं थेब लद्! याहवेहलाइ मान लब धै खीए ताँमैं सैं तोंदै म्हाँदिबै म्हिइ आशिक योंम्!

हितोपदेश 14:27

याहवेहने ङ्हिंबै म्हिइ छ्ह खैले थोल् त्हुम् बिब था सेम्, छतसि कालए ङोउँइँले च फ्रेल् खाँम्।

हितोपदेश 18:10

याहवेहए मिं बेल्‍ले भोंबै धरर धों ग; छतसि ठिक के लब्मैं चर ह्‍यामा ग्वार योंम्।

हितोपदेश 19:23

याहवेहलाइ म्हाँदिमा छ्ह योंबै घ्याँर फेम्, छले च म्हि ढुका तसि टिल् खाँम्; धै चलाइ दुःखइ छुइल् आखाँ।

हितोपदेश 20:7

ठिक के लबै म्हि छेनाले छ्ह थोम्, धै चए च्ह-च्हमिमैंइ आशिक योंम्।

चेला चिब्मैंए केमैं 9:31

छले यहूदीया, गालील नेरो सामरियार्बै चर्चर शान्ति तइ धै चर्च भोंब् तइ। चमैंइ प्रभुलाइ म्हाँदिदै प्रमा पबित्र प्ल्हजी चमैंए सैंर भों पिंइ। छतमा प्रभुए फिर बिश्‍वास लब्मैं ल्हें ततै ह्‍याइ।