हितोपदेश 14:23 - परमेश्‍वरए ताँ तमु क्युइर

²³ प्ल्हेगु आतल्‍ले बेल्‍ले के लस्याँ ह्रोंसलाइन फायदा तमुँ, दिलेया के आलल्‍ले ताँ ल्हें लरिबै म्हि बिस्याँ ङ्‍हाँदु तम्।

हितोपदेश 14:23 ပူးပေါင်းရင်းမြစ်များ

हितोपदेश 10:10

मिइ च्यप्लने चिप्लिले हस्त लबै म्हिइ दुःख पखम्, धै ल्हें पोंबै आमादु केर आफेब् तम्।

हितोपदेश 12:24

ह्रोंसइ लल् त्हुबै के लबै म्हिइ तोंन्दोंरि सैंर क्ल्हे तल् योंम्। प्ल्हेगु तइ बिस्याँ आगुए केब्छैं तल् त्हुम्।

हितोपदेश 14:22

आछ्याँबै केए चाँजो लब्मैं घ्याँ फ्लेब्मुँ, दिलेया छ्याँबै केए चाँजो लब्मैंलाइ ताँनइ म्हाँया लसि भर लल् खाँम्।

हितोपदेश 14:24

बुद्धि मुँबै म्हिए सै न्होर चमैंए मुकुट ग, दिलेया आमादुमैंइ अझै आमादु के मत्‍त्रे लम्।

हितोपदेश 28:19

ह्रोंसए म्रों तासि रुइब्मैंने ल्हें चबै सै तब्मुँ, दिलेया केर आफेबै ताँमैंए लिलि प्रब्मैं ङ्हाँदु तब्मुँ।

यूहन्‍ना 6:27

नास तयाबै चबै सैए ल्हागिर दुःख आलद्, बरु खोंयोंइ बिलै सोरिल् योंबै चबै सैए ल्हागिर दुःख लद्। चु खोंयोंन् बिलै सोल् योंबै क्हें म्हिए च्ह ङइ क्हेमैंलाइ पिंब्मुँ, तलेबिस्याँ क्हेमैं खोंयोंन् बिलै सोरिगे बिसि परमेश्‍वर आबाजी ङलाइ त्हाँसि कुल्मिंब् ग।”

१ तिमोथी 5:13

च्हौ मत्‍त्रे आङिं चमैं धिं-धिंर स्युरसि प्ल्हेउ तम्, चमैं तब-आतबै ताँमैं पोंब, आगु स्यारब, तोनतोंर्न आगुए केर यो झोंब्मैं तम्।