हितोपदेश 14:2 - परमेश्‍वरए ताँ तमु क्युइर

² ठिक के लबै म्हिइ याहवेहलाइ म्हाँदिमुँ, दिलेया आछ्याँबै के लप्रबै म्हिइ याहवेहलाइ तो धोंइ आङ्हाँ।

हितोपदेश 14:2 ပူးပေါင်းရင်းမြစ်များ

भजनमैं 112:1

याहवेहए मिं थेब लद्! याहवेहलाइ मान लब धै खीए ताँमैं सैं तोंदै म्हाँदिबै म्हिइ आशिक योंम्!

भजनमैं 25:21

ङइ स्योर आतेइमुँ, ङइ लबै छ्याँब आछ्याँबै केमैं ताँन् ङइ क्हिनेन् बिइमुँ। छतसि ङलाइ जोगेमिंन्, तलेबिस्याँ ङइ क्हिए फिर्न आशा थेंइमुँ।

हितोपदेश 11:12

ताँ आक्होल् आखाँबै म्हिइ ह्रोंसए ङ्‍हेब्मैंए बिल्‍लि लप्रम, दिलेया ताँ क्होबै म्हि ल्हें आपोंल्‍ले टिम्।

हितोपदेश 16:17

सोजो म्हिइ आछ्याँबै केमैं आल; आछ्याँबै के आलब्मैंइ छेनाले छ्ह थोल् खाँम्।

हितोपदेश 16:6

भर पर्दिल्‍ले छ्ह थोद्, धै परमेश्‍वरजी क्हिए पाप क्षमा लब्मुँ, धै याहवेहजी बिब् ङिंस्याँ क्हिला तोइ न्होंह्रो आत।

हितोपदेश 19:1

स्योरलिबै ताँ लबै बुद्धि आरबै म्हि भन्दा बरु ङ्‍हाँदु तलेया भर लल् खाँबै के लब छ्याँब ग।

हितोपदेश 2:15

चमैं प्रबै घ्याँमैं ख्यद-ख्योदे मुँ, धै चमैंए प्रब-टिबै चाल आछ्याँब मुँ।

हितोपदेश 28:6

छलु म्हिलु लसि प्लब् भन्दा ठिक के लसि ङ्हाँदु तब छ्याँब ग।

लूका 10:16

येशूजी धबै चेलामैंने बिइ, “खाब‍इ क्‍हेमैंइ बिबै ताँ थेमुँ, चइ ङए ताँ थेम्। दिलेया खाबइ क्‍हेमैंइ बिब आङिंसि बिरोध लम्, चइ ङए बिरोध लम्। छलेन खाबइ ङइ बिब आङिंसि बिरोध लमुँ, चइ ङ कुल्‍मिंबै परमेश्‍वर आबालाज्यै या बिरोध लम्।”

लूका 16:14

येशूजी बिबै ताँ थेसि फरिसीमैंइ खीए बिल्‍लि लइ। तलेबिस्याँ चमैंए ल्हागिर मुइ थेबै सै मुँल।

चेला चिब्मैंए केमैं 10:22

चमैंइ बिइ, “कप्‍तान कर्नेलियसइ ङि चुर कुलब् ग। च छ्याँब सैं प्ह्‍याब नेरो परमेश्‍वर म्हाँदिबै म्हि मुँ, धै ताँन् यहूदी ह्रेंमैंउँइँले मान योंबै म्हि ग। चए धिंर क्हि हुइसि क्हिउँइँले ताँ थेद् बिसि पबित्र स्वर्गदूत घ्रिइ चने बिइमुँ।”

चेला चिब्मैंए केमैं 10:35

ताँन् म्हिमैं खाब ह्रेंर्बै मुँलेया परमेश्‍वरने ङ्हिंसि छ्याँबै के लमुँ च म्हिमैंलाइ खीजी खोमुँ।

चेला चिब्मैंए केमैं 9:31

छले यहूदीया, गालील नेरो सामरियार्बै चर्चर शान्ति तइ धै चर्च भोंब् तइ। चमैंइ प्रभुलाइ म्हाँदिदै प्रमा पबित्र प्ल्हजी चमैंए सैंर भों पिंइ। छतमा प्रभुए फिर बिश्‍वास लब्मैं ल्हें ततै ह्‍याइ।