हितोपदेश 14:16 - परमेश्‍वरए ताँ तमु क्युइर

¹⁶ बुद्धि मुँबै म्हि याहवेहने ङ्हिंमुँ धै आछ्याँबै केमैं आल, आमादु बिस्याँ च्हैंब् मैंब् लल् आखाँब नेरो ह्रिस ल्हें खब् तम्।

हितोपदेश 14:16 ပူးပေါင်းရင်းမြစ်များ

उत्पत्ति 33:9

दिलेया एसावइ बिइ, “आच्यों, ङने बालु ल्हें मुँ। छतसि क्हिने बालु मुँबै सैमैं क्हिनेन् मुँरिगे।”

उत्पत्ति 42:18

सोंरो लिउँइँ योसेफइ चमैंने बिइ, “ङ परमेश्‍वरने ङ्हिंबै म्हि ग। छतसि क्हेमैंइ चु के लस्याँ क्हेमैं सोब्मुँ।

भजनमैं 119:120

क्हिने ङ्हिंसि ङ त्हाररिमुँ, धै क्हिए निसाफमैं म्रोंसि ङ ङ्हिंइमुँ।

भजनमैं 34:14

आछ्याँबै के लबउँइँले एखो धै छ्याँबै के लद्; आक्ह्रिबै म्हिमैं क्ह्रिमिंन्, खोंयोंन् बिलै छाबन् के लरिद्।

हितोपदेश 1:32

खेंमैंए सैंर मैंब् धोंले प्रबइले आमादुमैं सिब्मुँ, छले ज्ञान बुद्धिए ताँमैंलाइ तो धोंइ आङ्हाँबै आमादुमैं नास तयाब्मुँ;

हितोपदेश 14:15

आमादुमैंइ खैतबै ताँ मुँलेया क्वेंम्, दिलेया बुद्धि मुँबै म्हि न्हक्रों मिक्रोंले प्रम्।

हितोपदेश 14:17

युनन् ह्रिस खबै म्हिइ न्होह्रों तबै के लम्, धै छलु म्हिलु लबै म्हि खाबज्यै आखो।

हितोपदेश 16:17

सोजो म्हिइ आछ्याँबै केमैं आल; आछ्याँबै के आलब्मैंइ छेनाले छ्ह थोल् खाँम्।

हितोपदेश 16:6

भर पर्दिल्‍ले छ्ह थोद्, धै परमेश्‍वरजी क्हिए पाप क्षमा लब्मुँ, धै याहवेहजी बिब् ङिंस्याँ क्हिला तोइ न्होंह्रो आत।

हितोपदेश 22:3

बुद्धि मुँबै म्हिइ ह्रोंसए फिर दुःख खब ओंसोंन् म्रोंसि लोबै क्‍ल्‍ह्‍यो म्हैम्, दिलेया आमादु म्हि छाइन ह्‍याम् धै दुःख योंबर फेम्।

हितोपदेश 28:14

याहवेहलाइ म्हाँदिरिबै म्हिए फिर आशिक युम्, दिलेया खीजी बिब् आङिंबै म्हि नास तयाम्।

हितोपदेश 29:9

बुद्धि मुँबै म्हि आमादुने अदालतर ह्‍याइ बिस्याँ आमादु सुँ-सुँर्न छैसि ह्रिस खमुँ; धै चमैं क्ह्रिल् आखाँ।

हितोपदेश 3:7

क्हि ह्रोंसन् ह्रब्-सेब् आप्हैंन्; याहवेहलाइ म्हाँदिद्, आछ्याँबै केमैं पिवाद्।

हितोपदेश 7:22

धै सैबर बोबै क्ल्या धोंले, धै तिंर मेइ आम्‍लोन् समा फो सैं तोंदै उफर्दिमा ङोर फेब् धोंले,

यूहन्‍ना 9:40

चु ताँ थेसि येशूए ङाँर मुँबै फरिसीमैंए न्होंर्बै को-कोइ खीने “ङि या कनमैं रो वा?” बिसि ङ्योएमा।

१ थेसलोनिकी 5:22

ताँन् आछ्याँबै केमैंउँइँले स्यो तद्।