हितोपदेश 13:3 - परमेश्‍वरए ताँ तमु क्युइर

³ खैच्हिजिले आपोंबै म्हिए छ्हर बिब् धों तम्, सुँर तो खमुँ चन् पोंबै म्हि नास तयाम्।

हितोपदेश 13:3 ပူးပေါင်းရင်းမြစ်များ

भजनमैं 141:3

ओ याहवेह, ङए सुँइ आछ्याँबै ताँ पोंल् आपिंन्, ङए म्हदिइ आछ्याँबै ताँ पोंल् आपिंन्।

भजनमैं 34:13

ह्रोंसए लेइ आछ्याँबै ताँ आपोंन्, धै ह्रोंसए म्हदेइ स्योर आतेद्,

भजनमैं 39:1

“ङइ तो के ललेया च्हैंसि मैंसि छेनाले लब्मुँ, धै ङए सुँज्यै या आछ्याँबै ताँमैं पोंरिब् आरे। दुष्‍ट म्हिमैंए उँइँर ङ तोइ ताँ पोंरिब् आरे,” बिसि ङइ बिल।

हितोपदेश 10:14

बुद्धि मुँबै म्हिइ ज्ञान बुद्धिए ताँमैं सैंर थेंम्, दिलेया बुद्धि आरबै म्हिए सुँइ नास तबै ताँ पोंम्।

हितोपदेश 10:19

ताँ ल्हें पोंमा आछ्याँबै तल् खाँम्, दिलेया च्हैंसि मैंसि पोंबै म्हि बुद्धि मुँब् ग।

हितोपदेश 10:8

ताँ क्होबै म्हिइ अर्थि बुद्धिए ताँ ङिंम्, दिलेया ल्हें पोंबै आमादु नास तयाम्।

हितोपदेश 12:13

ह्रोंसइ पोंबै आछ्याँबै ताँइ लमा दुष्‍ट म्हि ङोर फेम्, दिलेया ठिक के लबै म्हि बिस्याँ दुःखउँइँले जोगेम्।

हितोपदेश 13:4

प्ल्हेगु म्हिइ ल्हें सै म्हैलेया चइ तोइ आयों, दिलेया भोंन्ले के लबै म्हिइ तोन्दोंरि योम्।

हितोपदेश 14:3

आमादुइ ह्रोंसलाइन न्होह्रों तल्‍ले पोंमुँ, दिलेया बुद्धि मुँबै म्हिइ पोंबै ताँइ चमैंलाइ जोगेम्।

हितोपदेश 18:21

सैब नेरो सोल् लबै शक्‍ति लेर मुँ, खैलि पोंइमु, चमैंइ चए रो चब्मुँ।

हितोपदेश 18:7

ह्रोंसइ पोंबै ताँइन आमादुल न्होह्रों तम्; ह्रोंसइ पोंबै ताँइ लमन् च ङोर फेम्।

हितोपदेश 20:19

ताँ प्ह्रेबै म्हिइ बिल् आतबै ताँमैं बिप्रम्; छतसि ताँ प्ह्रेप्रबै म्हिने आप्रद्।

हितोपदेश 21:23

सुँइ खैच्हिजिले आपोंइ बिस्याँ ह्रोंसए फिर दुःख तबइले जोगेम्।

याकूब 1:26

खाबज्यै या “ङइ ठिक के लइमुँ” बिमुँ, दिलेया ह्रोंसए सुँइ तो योंमुँ चन् पोंम् बिस्याँ चइ ह्रोंसलाइन लुम्। छाबै म्हिइ ठिक के ललैया चइ लबै के फाकर्न तम्।