हितोपदेश 13:18 - परमेश्‍वरए ताँ तमु क्युइर

¹⁸ लोदा-सैंदाए ताँ आङिंबै म्हि फापिल् त्हुब्मुँ धै दुःख खब्मुँ, दिलेया लोदा सैंदाए ताँ थेबै म्हिइ मान योंब्मुँ।

हितोपदेश 13:18 ပူးပေါင်းရင်းမြစ်များ

भजनमैं 141:5

ठिक के लबै म्हिइ ङलाइ धोंरिगे, छ लमा ङए ल्हागिर म्हाँया लब् धोंन् तब्मुँ, चइ ङ हौदिरिगे, छले हौदिमा ङए क्रए ल्हागिर छ्युगु तब्मुँ। ङए क्रइ च छ्युगु स्योवारिब् आरे। दिलेया आछ्याँबै के लब्मैंए बिरोधर ङइ खोंयोंइ बिलै प्राथना लब्मुँ।

हितोपदेश 12:1

लोदा सैंदाए ताँमैं ङिंबै म्हिइ ज्ञान बुद्धिए घ्याँर प्रम्, दिलेया लोदा सैंदा लमा थेल् आङिंबै म्हि आमादु ग।

हितोपदेश 13:13

सल्‍ला आकिंबै म्हिइ नौसन् ब्येहोर्दिल् त्हुँम्, दिलेया बिब् ङिंबै म्हिइ इनाम योंम्।

हितोपदेश 13:19

ह्रोंसल् बिब् धों तमा सैं तोंमुँ, दिलेया आछ्याँबै केमैं पिब आमादुमैंलाइ छ्याँब आङ्हाँ।

हितोपदेश 13:25

ठिक के लबै म्हिइ म्रेंन्ले चल् योंम्, दिलेया दुष्‍ट‍ म्हिमैं बिस्याँ फोत्तेन् तम्।

हितोपदेश 15:5

आबाइ लोमिंबै ताँमैं आमादुइ आङिं, दिलेया बुद्धि मुँबै म्हिइ लोदा सैंदाए ताँमैं ङिंम्।

हितोपदेश 19:6

क्रथे मिथेमैंइ ल्होमिरिगे बिसि ल्हें म्हिमैंइ बिन्ति लम्, धै क्होल्सै पिंखबै म्हिल थु ल्हें तम्।

हितोपदेश 25:12

छेन्ले थेबै म्हिए ल्हागिर बुद्धि मुँबै म्हिइ हौदिबै ताँ निखुर माराए ङ्‍हेंबै रिङ न्हर खिब् धों तब् ग।

हितोपदेश 9:9

बुद्धि मुँबै म्हिलाइ अर्थि पिंमा च झन ह्रब्-सेब् तब्मुँ; ठिक के लबै म्हिलाइ लोमिंमा चइ झन् च्हैंब् मैंब् लल् खाँब्मुँ।

हिब्रू 12:25

छतसि न्ह क्रों मि क्रो तद्, ङ्योने पोंबै परमेश्‍वरजी बिब ङिंन्। तलेबिस्याँ चु पृथ्‍बीर्बै म्‍हि मोशाइ बिबै ताँ इस्राएलीमैंइ थेल् आङिंमा चमैं दण्‍डउँइँले स्योल् आखाँ बिस्याँ, झन् स्‍वर्गउँइँले पोंबै परमेश्‍वरजी बिबै ताँ आङिंब्मैं खैले स्योरल् खाँमुँ?