हितोपदेश 13:17 - परमेश्‍वरए ताँ तमु क्युइर

¹⁷ स्योलिबै ताँ बिप्रबै म्हिए फिर दु:ख खम्, दिलेया भर लल् खाँबै ताँ पोंबै म्हिइ प्ल्होंरिबै सैं छि ङ्‍हाँन् लम्।

हितोपदेश 13:17 ပူးပေါင်းရင်းမြစ်များ

हितोपदेश 10:26

क्युँइ स कृब धोंले धै मिखुइ मि ख्रोंब् धोंले, प्ल्हेगुलाइ के लबर कुलस्याँ, कुलबै म्हिलाइ चइ छलेन् दु:ख पिंब्मुँ।

हितोपदेश 13:18

लोदा-सैंदाए ताँ आङिंबै म्हि फापिल् त्हुब्मुँ धै दुःख खब्मुँ, दिलेया लोदा सैंदाए ताँ थेबै म्हिइ मान योंब्मुँ।

हितोपदेश 25:13

बालि खैबै त्हेर ख्वालमा ङ्युँबै क्युइ खों सल् लब् धोंले भर लल् खाँबै सँउँसर बोबै म्हिइ चलाइ कुल्मिबै क्ल्हेमैंए सैं तोंल् लम्;

हितोपदेश 25:23

उतरउँइँले युबै खैंइ नाँ स्योवाब् धोंले स्योलिबै ताँ पोंबै लेइ ह्रिस खल् लम्।

हितोपदेश 26:6

आमादुने सँउँसर कुलबै म्हिइ ह्रोंसए प्हलेर तइ ल्हिसि ह्रोंसए न्होह्रों लब् धों तब् ग।

१ कोरिन्थी 4:2

परमेश्‍वरए छाबै के लब्मैं ताँनइ भर लल् खाँब्मैं तल् त्हुम्।

२ कोरिन्थी 2:17

ल्हें म्हिइ धोंले परमेश्‍वरए ताँ छों लब्मैं ङि आङिं, तलेबिस्याँ ङिलाइमि परमेश्‍वरजीन् कुल्‍मिंब् ग। छतसि ङि ख्रीष्‍टए सेवा लसि खीए ओंसों स्योर ताँ आकोंल्‍ले परमेश्‍वरए ताँ पोंमुँ।

२ कोरिन्थी 5:20

छतसि ङि येशू ख्रीष्‍टउँइँले खबै सैं तोंबै ताँ बिप्रब्‍मैं ग। ख्रीष्‍टए मिंर ङिइ क्हेमैंने यो छ्युँ लमुँ। क्हेमैं खीने ख्रे लब् पिवासि खीने क्ह्रिद् बिसि परमेश्‍वर ङिउँइँलेन् तसि क्हेमैंने पोंइमुँ।

१ तिमोथी 1:12

खीए के लबर ङलाइ भों पिबै येशू ख्रीष्‍ट ङ्योए प्रभुलाइ ङ धन्‍यबाद पिंम्, तलेबिस्याँ ङए फिर बिश्‍वास म्हाँदिसि खीए सेवा लबर खीजी ङलाइ त्हाँइ।

२ तिमोथी 2:2

क्हिइ ल्‍हें म्‍हिए उँइँर ङउँइँले तो ताँमैं थेल, च ताँमैं अरू म्हिमैंलाज्यै या लोमिंल् खाँबै म्हिमैंलाइ लोमिंन्।