हितोपदेश 13:15 - परमेश्‍वरए ताँ तमु क्युइर

¹⁵ बुद्धि मुँबै म्हिलाइ ताँनइ म्हाँदिम्, दिलेया छलु म्हुलु लबै म्हिए फिर दु:ख खम्।

हितोपदेश 13:15 ပူးပေါင်းရင်းမြစ်များ

भजनमैं 111:10

याहवेहलाइ मान लब बुद्धि योंबै घ्याँ ग; खीजी बिबै ताँ ङिंब्मैंइ छेनाले च्हैंब् मैंब् लल् खाँम्। खीए मिं खोंयोंन् बिलै थेब् तरिम्!

हितोपदेश 14:35

बुद्धि मुँबै केब्छैं म्रोंसि म्रुँ सैं तोंम्, फापिल् लबै केब्छैं म्रोंसि च बेल्‍ले ह्रिस खम्।

हितोपदेश 15:10

आछ्याँबै के लब्मैंइ थेबै दण्ड योंब्मुँ; धै लोदा सैंदाए ताँ आङिंबै म्हि सियाब्मुँ।

हितोपदेश 3:4

छ लइबिस्याँ परमेश्‍वर नेरो म्हिमैंउँइँले क्हिइ थेबै मान योंब्मुँ।

हितोपदेश 4:19

दिलेया दुष्‍ट म्हिमैं प्रबै घ्याँ बिस्याँ बेल्‍ले मिछु खैब् धों तम्; तो सैर प्हले थुरइमुँ बिसि चमैंइ आसे।

लूका 2:52

येशू बिस्याँ ज्ञान बुद्धि नेरो ज्युर फारदै परमेश्‍वर नेरो म्हिमैंइ खोबै ‍म्हि तदै ह्‍या‍इ।

चेला चिब्मैंए केमैं 7:10

परमेश्‍वरजी चए ताँन् दुःखउँइँले फ्रेमिंसि मिश्र ह्‍युलर्बै फारो म्रुँए उँइँरि चलाइ बुद्धि पिंमा फारोइ चलाइ मिश्र ह्‍युल नेरो ह्रोंसए धिंर्बै ताँन् सैमैंए फिरि क्ल्हे तल् पिंइ।

रोमी 6:21

ओंसों लबै आछ्याँबै केमैं मैंसि क्हेमैं तिंजोरो फापिम्। च केमैं लसि क्‍हेमैंइ तो योंइ? च केमैं लइरिम् क्हेमैं सिल् त्हुम्।