हितोपदेश 13:10 - परमेश्‍वरए ताँ तमु क्युइर

¹⁰ थेब् प्हैंस्याँ प्होंगि मत्‍त्रे तम्, दिलेया सल्‍ला किंस्याँ ह्रब्-सेब् तम्।

हितोपदेश 13:10 ပူးပေါင်းရင်းမြစ်များ

हितोपदेश 13:11

छलु म्हिलु लसि खुबै सै न्होर तिस्यार्न नुयाम्, च्युगु-च्युगु लसि खुबै सै न्होर ल्हें ततै ह्‍याम्।

हितोपदेश 13:9

ठिक के लबै म्हि चारबै बत्ति धों तब् ग, दिलेया दुष्‍ट म्हिमैंए बत्ति बिस्याँ सैवाब्मुँ।

हितोपदेश 17:14

प्होंगि मिब क्वेथेंबै क्युए बाँध फुयाब् धों तब् ग, छतसि प्होंगि तल् म्हैस्याँ च्याँ तयाल् त्हुम्।

हितोपदेश 19:20

सल्‍ला पिंबै ताँमैं थेदु धै अर्थिमैं सैंर थेंन्, छलस्याँ क्हि ह्रब्-सेब् तब्मुँ।

हितोपदेश 20:18

सल्‍ला किंसि चाँजो लद्; सल्‍ला मदो आलल्‍ले ल्हडेंर आह्‍याद्।

हितोपदेश 21:24

ह्रिस खदै ओग्रोंले के लबै म्हिलाइ “घमण्डि” बिम्, च दयाम्हाँया आरेब नेरो बुद्धि आरेब् तम्।

हितोपदेश 25:8

आतुरले अदालतर आह्‍याद्; तलेबिस्याँ क्हिए ङ्‍हेब्-ट्हुब्मैंइ लिउँइँ फापिन् लइबिस्याँ क्हिइ तो लमुँ?

हितोपदेश 28:25

लोबि म्हिइ प्होंगि लम्, दिलेया याहवेहने भर थेंबै म्हिल बिब् धों तम्।

लूका 22:24

च लिउँइँ “ङ्योए न्होंर ताँन् भन्दा थेब खाब् तब् ङ्‍हें?” बिसि चेलामैंए न्‍होंरि हानथाप तबर होंइ।

१ तिमोथी 6:4

च म्‍हि फाक्‍कर्न ह्रब सेब प्‍हैंम्, चइ तोइ आह्र, तोइ आसे। छाबै म्‍हिमैंइ स्योलिबै ताँ घ्रि लाछेंसि प्‍होंगि मिम्, छाबै ताँमैंउँइँलेन् ह्रिस लब, प्होंगि मिब, आब्रु वाब नेरो आछ्याँबै सैं मैंल् लम्।

याकूब 4:1

क्‍हेमैंए न्‍होंरि प्होंगि कैगि खनिउँइँले खमुँ? च ताँन् केमैं सयल थोदा ङ्हाँबै सैंउँइँले खम्, आङिं वा? छाबै सयल थोबै ताँ क्‍हेमैंए सैंर खोंयोंइ बिले तरिम्।