हितोपदेश 12:3 - परमेश्‍वरए ताँ तमु क्युइर

³ आछ्याँबै के लबै म्हि जोगेल् आखाँ, दिलेया ठिक के लबै म्हिलाइ लाल् खाँरिब् आरे।

हितोपदेश 12:3 ပူးပေါင်းရင်းမြစ်များ

भजनमैं 15:5

मुइ पिंमा ब्याज आकिंब, धै तोइ छ्याब आरेबै म्हिमैंलाइ नास लबर घुस (ख्याब) आकिंब, छाबै म्हि क्हिए पबित्र कोंर टिल् योंमुँ। छ लबै म्हिइ खोंयोंइन रक्षा योंम्।

हितोपदेश 10:25

नाँ-खैं खमा दुष्‍टमैं घ्रि या चैरिब् आरे, दिलेया ठिक के लब्मैं बिस्याँ खोंयोंन् बिले तरिब्मुँ।

हितोपदेश 11:5

भर लल् खाँबै म्हिइ लबै ठिक केइन च प्रबै घ्याँ छ्याँब लब्मुँ, दिलेया दुष्‍ट म्हिमैं बिस्याँ ह्रोंसइ लबै आछ्याँबै केइन क्युरु खारयाम्।

हितोपदेश 12:12

दुष्‍ट म्हिमैं ह्‍योमैंइ पखबै सैमैं लोब म्हाँदिम्, दिलेया ठिक के लबै म्हि बिस्याँ छ्याँबै के लसि प्रम्।

एफिसी 3:17

छलसि क्‍हेमैंइ प्रभु येशू ख्रीष्‍टए फिर बिश्‍वास लमा क्‍हेमैंए सैंर खी बास लरिगे। झाइले सिं धुँए जर च्योंब् धोंले क्हेमैंए म्हाँया बडिदै ह्‍यारिगे, धै जगए फिर धिं बनेब् धोंले क्हेमैंए म्हाँया भोंब् तरिगे।

कलस्सी 2:7

खैले सिं धुँए जरा सरि न्होंन्हों च्‍योंमु, छलेन क्‍हेमैं छ्ह थोमा ख्रीष्‍टलाइ सैं पिंसि भोंब् तद्। इपाफ्रासइ क्‍हेमैंलाइ लोमिंब् धोंलेन् ख्रीष्‍टए फिर अझै बिश्‍वास भोंब् लद्। धै खोंयोंन् बिलै धन्‍यबाद पिंबै सैं प्‍ह्‍याद्।