हितोपदेश 12:25 - परमेश्‍वरए ताँ तमु क्युइर

²⁵ न्हुँ लबै म्हि भों आखन् तम्, दिलेय छ्याँबै ताँइ म्हिलाइ सैं तोंल् लम्।

हितोपदेश 12:25 ပူးပေါင်းရင်းမြစ်များ

भजनमैं 38:6

ङ कुरयासि त्हुलर्न क्हुरयाल् खाँइमुँ, छतसि शोकइ लमा ङ त्हिंतिमिंन् क्रो प्ररिल् त्हुइमुँ।

भजनमैं 42:11

ओ ङए सो, क्हि तले आतोंल? धै ङए खों न्होंर क्हि तले च्हतर्ले आदेल? क्हिए आशा परमेश्‍वरने थेंन्; तलेबिस्याँ खी ङलाइ मुक्‍ति पिंबै परमेश्‍वर ग। छतसि ङ अझै खीलाइन थेब् लब्मुँ।

हितोपदेश 12:18

खैज्हिजिले पोंमा सेलाँइ धोंले म्हिलाइ म्‍लोम्, दिलेया च्हैंसि मैंसि छेनाले पोंमा नरिबै सैं सल् लम्।

हितोपदेश 12:26

ठिक के लबै म्हिइ ह्रोंसए ङ्‍हेब् ट्हुब्मैंलाइ छ्याँबै घ्याँर डोरेम, दिलेया दुष्‍ट म्हिमैं प्रबै घ्याँर प्रमा चमैं आछ्याँबै घ्याँर फेनेम्।

हितोपदेश 14:10

सैं नरिलैया तोंरिलैया ह्रोंसइन सेम्। छतसि म्हिए सैंर मुँबै ताँमैं खाबज्यै क्होल् आखाँ।

हितोपदेश 15:13

सैं तोंस्याँ म्हिए लि वाँ-वाँ ब्योंम्, दिलेया न्हुँ तमा सैं आतों।

हितोपदेश 15:15

आगुइ ह्रुगुदिब्मैं खोंयोंन् बिलै दुःखन् योंरिल् त्हुम्, दिलेया सैं तोंरिल् योंब्मैं खोंयोंन् बिलै छिं ङ्‍हाँल् योंब्मुँ।

हितोपदेश 15:23

छ्याँबै जवाफ पिंल् योंमा म्हि सैं तोंम्, धै ठिक त्हेर पोंबै ताँ कति छ्याँब तम्।

हितोपदेश 15:30

लिथों ङ्‍होथो तब्मैं म्रोंमा सैं तोंम्, धै छ्याँबै सँउँसर थेल् योंमा भों खम्।

हितोपदेश 16:24

छ्याँबै ताँमैं क्वे खुदुए न्हाँज्यु धों तम्, चइ म्हिमैंलाइ भों पिंम्, धै सैं तोंन् लम्।

हितोपदेश 17:22

सैंर सन्तोक मुँस्याँ नलेया सब् धोंन् ङ्‍हाँम्; दिलेया सैंर पिर मुँस्याँ ह्रिब्मैं ङ्युयाम्।

हितोपदेश 18:14

म्हि सोदा ङ्‍हाँबै सैंइ च नरिबै त्हेर आश् पिंम्, दिलेया च सैं आरेस्याँ सोबै आशा म्हयाम्।

हितोपदेश 25:11

ठिकले पोंबै ताँ चाँदिए थलिर थेंबै माराए स्याउ धों तब् ग।

हितोपदेश 27:9

लिंबै थाँ खबै अत्तर नेरो छ्युगुइ म्हिलाइ आनन्द लम्, छलेन क्ह्रिबै थुइ पिंबै सल्‍लाइ सैं तोंन् लम्।