हितोपदेश 12:24 - परमेश्‍वरए ताँ तमु क्युइर

²⁴ ह्रोंसइ लल् त्हुबै के लबै म्हिइ तोंन्दोंरि सैंर क्ल्हे तल् योंम्। प्ल्हेगु तइ बिस्याँ आगुए केब्छैं तल् त्हुम्।

हितोपदेश 12:24 ပူးပေါင်းရင်းမြစ်များ

उत्पत्ति 49:15

ह्रोंसए भों न्हबै क्ल्ह्‍यो छ्याँब मुँन, धै ताँ बिमिंबर ह्रोंसए ह्‍युल सैं तोंब मुँन बिब् सेसि चइ ति नोबर ह्रोंसए प्हैंद तोब्मुँ। धै केब्छैंइ धोंलेन् के लल् ङिंब्मुँ।

हितोपदेश 10:4

प्ल्हेगु म्हि आयोंब्-आख्युब् तयाम्, दिलेय जाँगर खल्‍ले के लबै म्हि प्लब योब् तम्।

हितोपदेश 12:27

प्ल्हेगुइ शिखार क्ल्योंमा तोइ स्याल् आखाँ, दिलेया ह्रोंसइ लल् त्हुबै के लबै म्हिइ सै न्होर खुम्।

हितोपदेश 13:4

प्ल्हेगु म्हिइ ल्हें सै म्हैलेया चइ तोइ आयों, दिलेया भोंन्ले के लबै म्हिइ तोन्दोंरि योम्।

हितोपदेश 17:2

बुद्धि मुँबै केब्छैंइ केर आफेबै च्हलाइ न्होंर थेंब्मुँ, धै च्हइ धोंले चइ खे-बाज्युमैंए सै न्होर योंब्मुँ।

हितोपदेश 19:15

प्ल्हेगु तसेरो न्हरु ल्हें खम्, धै प्ल्हेगु म्हि फतेन् तब्मुँ।

हितोपदेश 22:13

“बैरु सिंह मुँ! छतसि घ्याँर ह्‍यास्याँ ङलाइ सैवाम्!” बिसि प्ल्हेगु म्हिइ बिम्।

हितोपदेश 22:29

सैं झोंसि ह्रोंसए केमैं लबै म्हि क्हिइ म्रोंइमुँ वा? छाबै म्हि म्रुँए उँइँर रासि के लब्मुँ; तोन् तोर्बै म्हिमैंए उँइँर राल् त्हुरिब् आरे।