हितोपदेश 12:21 - परमेश्‍वरए ताँ तमु क्युइर

²¹ ठिक के लबै म्हिलाइ तोइ न्होह्रों आत, दिलेया दुष्‍ट म्हिमैंलाइ बिस्याँ ल्हें दुःख तम्।

हितोपदेश 12:21 ပူးပေါင်းရင်းမြစ်များ

भजनमैं 121:7

क्हिलाइ न्होह्रों लबै तोन्दोंरि सैमैंउँइँले याहवेहजी जोगेमिंब्मुँ; खीजी क्हिए सोए रक्षा लमिंब्मुँ।

भजनमैं 91:10

छतसि क्हिल तोइ नोक्सन् तरिब् आरे, क्हि टिबै धिं ङाँर ह्रिंमैं खरिब् आरे।

हितोपदेश 1:31

चमैंइ लबै केए नों चमैंइ योंब्मुँ, धै चमैंए आछ्याँबै केमैंइ लमा खेंमैंन् दुःख तब्मुँ।

हितोपदेश 1:33

दिलेया ङइ बिबै ताँमैं थेब्मैं जोगेब्मुँ धै चमैंल तोइ न्होह्रों तरिब् आरे, चमैं आङ्हिंनले ढुक्‍कले टिल् योंब्मुँ।”

हितोपदेश 11:21

दुष्‍ट म्हिमैं दण्ड आयोंन् समा स्योरल् योंरिब् आरे, दिलेया ठिक के लब्मैं जोगेल् योंब्मुँ बिबै ताँ क्ह्रोंसेंन ग।

हितोपदेश 12:20

आछ्याँबै चाँजो लब्मैंए सैं छलु म्हिलु तम्, दिलेया आक्ह्रिब्मैंलाइ क्ह्रिमिंबर सल्‍ला पिंब्मैं बिस्याँ बेल्‍ले सैं तोंल् योंब्मुँ।

हितोपदेश 14:14

छ्याँबै घ्याँ पिसि प्रबै म्हिइ खैलेबिलै दण्ड योंब्मु, दिलेया ठिक के लबै म्हिइ चइ लबै केमैंए इनाम योंब्मुँ।

हितोपदेश 19:23

याहवेहलाइ म्हाँदिमा छ्ह योंबै घ्याँर फेम्, छले च म्हि ढुका तसि टिल् खाँम्; धै चलाइ दुःखइ छुइल् आखाँ।

रोमी 8:28

परमेश्‍वरलाइ म्हाँया लब्मैं नेरो खीए सैंर मैंब् धोंले लरिगे बिसि त्हाँब्मैंए ल्हागिर खीए पबित्र प्ल्हजी तोन्दोंरि सैर छ्याँबन् लमिंम् बिब ङ्योइ सेइमुँ।

२ कोरिन्थी 4:17

तलेबिस्याँ ङिइ योंबै तिस्याँबै च्‍युगुथिरि दुःखइ ङिए ल्हागिर खोंयोंइ आखाँबै छ्ह नेरो थेबै मान योंबै के लइन मुँ।

१ पत्रुस 3:13

छ्याँबै सैंउँइँले क्‍हेमैंइ ठिक केमैं लम् बिस्‍याँ, क्‍हेमैंए न्होह्रों खाबइ लमुँ?

दर्शन 18:6

चइ खै लल चने छान् लद्, चइ तिल दुःख पिंल, क्हिइ ङ्हिल दु:ख पिंन्। चइ क्हेमैंलाइ तो सैइ म्हेरल् लल च भन्दा झन् म्हेरल् लबै सैइ क्हिइ चलाइ म्हेरल् लवाद्।