हितोपदेश 12:17 - परमेश्‍वरए ताँ तमु क्युइर

¹⁷ स्योर आतेल्‍ले पोंबै म्हिइ ठिक ग्वाइ पिंम्, दिलेया छलु म्हिलु लबै म्हिइ स्योलिबै ग्वाइ पिंम्।

हितोपदेश 12:17 ပူးပေါင်းရင်းမြစ်များ

हितोपदेश 12:16

आमादुमैं युनन् ह्रिस खम्, दिलेया ताँ क्होल् खाँबै म्हिइ ह्रोंस फापिन् तमै या तोइ आबिल्‍ले टिरिम्।

हितोपदेश 12:18

खैज्हिजिले पोंमा सेलाँइ धोंले म्हिलाइ म्‍लोम्, दिलेया च्हैंसि मैंसि छेनाले पोंमा नरिबै सैं सल् लम्।

हितोपदेश 14:25

क्ह्रोंसेंन्बै ग्वाइ पिंबै म्हिइ छ्याब् योंबै म्हिलाइ जोगेमिंम्, दिलेया स्योलिबै ग्वाइ पिंबै म्हिइ छल् लम्।

हितोपदेश 14:5

ठिक ग्वाइ पिंबै म्हिइ स्योर आते, दिलेया छल् तेब्मैं स्योर ताँ ल्हें पोंम्।

हितोपदेश 19:28

स्योलिबै ग्वाइ पिंमा निसाफ न्होंवाम्; धै दुष्‍ट म्हिइ आछ्याँबै ताँमैं छ्याँब ङ्‍हाँम्।

हितोपदेश 19:5

स्योलिबै ग्वाइ पिंबै म्हिइ दण्ड योंब्मुँ, स्योर तेबै म्हि स्योरल् योंरिब् आरे।

हितोपदेश 21:28

स्योलिबै ग्वाइ खाबज्यै या आक्वें, दिलेया च्हैंसि मैंसि पोंब्मैंए ताँ ताँनइ क्वेंम्।

हितोपदेश 24:28

ह्रोंसए ङ्‍हेब्-ट्हुब्मैंए बिरोधर तोनतोर्न ग्वाइ आटिद्, ह्रोंसए सुँइ छलु म्हिलुए ताँमैं आपोंन्।

हितोपदेश 6:19

स्योलिबै ग्वाइ पिंबै, आघें-अलिमैंए म्हाँजोर प्होंगि रेबै म्हि। छाबै बानि मुँबै म्हिमैं याहवेहजी तिफुँइ आखो।

मत्ती 15:19

तलेबिस्याँ म्‍हिए सैंउँइँलेन् आछ्याँब सैं मैंम्। चु आछ्याँब सैंइ लमा चइ म्‍हि सैब, आगुए प्ह्रेंस्यो प्रब, ब्यभिचार लब, आगुए सै न्होर ह्‍योब, स्‍योर तेब, धै फ्रम्दा क्योम्दा लब छाबै पापमैं लम्।

मत्ती 26:59

झाइले ख्रो पिंबै खेगि चिब्मैं नेरो थेबै म्हि च्होंर्बै चिबनाँब्मैं ताँनइ येशू सैबै ल्हागिर खीए बिरोधर स्‍योर्गु ग्वाइ पिब्‍मैं योंल् खाँम् उ बिसि म्‍हैबर होंइ।

चेला चिब्मैंए केमैं 6:13

झाइले चमैंइ स्तिफनसए बारेर स्योर ताँमैं पोंबै म्हिमैं ओंसों पखइ। धै च म्हिमैंइ बिइ, “चु म्हिइ चु पबित्र मन्दिर नेरो मोशाइ पिंबै ठिमए बिरोधर पोंब खोंयोंन् बिलै आपि।

१ पत्रुस 3:16

दिलेया क्हेमैं ह्रिस आखल्‍ले, मान तल्‍ले पोंल् त्हुम्। क्हेमैंए बिरोधर पोंब्मैं नेरो ख्रीष्‍टए लिलि प्रसि क्हेमैंइ लबै के आखोबै म्हिमैं फापिन् तरिगे बिसि क्हेमैंए सैं छ्याँब तल् त्हुम्।