हितोपदेश 12:15 - परमेश्‍वरए ताँ तमु क्युइर

¹⁵ आमादुइ ह्रोंस ठिक घ्याँर प्रइमुँ ङ्‍हाँम्, दिलेया ताँ क्होल् खाँबै म्हिइ आगुए सल्‍लामैं थेम्।

हितोपदेश 12:15 ပူးပေါင်းရင်းမြစ်များ

हितोपदेश 1:5

ह्रब्-सेबै म्हिइ थेरिगे धै ल्हें ह्रब-सेब तरिगे, धै क्होबै म्हि ल्हें क्होल् खाँब् तरिगे।

हितोपदेश 13:1

बुद्धि मुँबै च्हइ आबाइ लोदा सैदा लमा छेनाले थेम्, दिलेया सुँ सुँर्न छैबै म्हिइ लोदा सैंदाए ताँ आथे

हितोपदेश 13:10

थेब् प्हैंस्याँ प्होंगि मत्‍त्रे तम्, दिलेया सल्‍ला किंस्याँ ह्रब्-सेब् तम्।

हितोपदेश 14:12

ह्रोंस प्रबै घ्याँ ठिक धों ङ्‍हाँलेया दिलेया लिउँइँ च घ्याँ कालाए सुँर फेनेम्।

हितोपदेश 14:16

बुद्धि मुँबै म्हि याहवेहने ङ्हिंमुँ धै आछ्याँबै केमैं आल, आमादु बिस्याँ च्हैंब् मैंब् लल् आखाँब नेरो ह्रिस ल्हें खब् तम्।

हितोपदेश 16:2

म्हिमैंइ ह्रोंसइ लबै केमैं छ्याँबन् ङ्‍हाँलै, दिलेया म्हिमैंए सैंर तो मुँ बिब याहवेहजी सेम्।

हितोपदेश 16:25

ह्रोंस प्रबै घ्याँ ठिक धों ङ्‍हाँलेया लिउँइँ च घ्याँ कालाए सुँर फेनेम्।

हितोपदेश 19:20

सल्‍ला पिंबै ताँमैं थेदु धै अर्थिमैं सैंर थेंन्, छलस्याँ क्हि ह्रब्-सेब् तब्मुँ।

हितोपदेश 21:2

म्हिइ खोंयोंन् बिलै ङइ ठिक लइमुँ ङ्‍हाँलै, दिलेया चए सैं खैतब् मुँ बिसि याहवेहजीन् जाँच लम्।

हितोपदेश 26:12

ह्रोंसन् ह्रब्-सेब् ग बिसि प्हैंबै म्हि म्रोंइमुँ वा? छाबै म्हि भन्दा बरु आमादुए फिर आशा थेंल् खाँम्।

हितोपदेश 26:16

च्हैंसि मैंसि पोंबै म्हि ङि भन्दा प्ल्हेगुइ ह्रोंसन् ह्रब्-सेब् ङ्‍हाँम्।

हितोपदेश 28:11

प्लबै म्हिइ ह्रोंसलन् ह्रब्-सेब् प्हैंमुँ। दिलेया ङ्हाँदुन् तलेया ताँ क्होबै म्हिइ च खैतब् मुँ बिसि सेम्।

हितोपदेश 3:7

क्हि ह्रोंसन् ह्रब्-सेब् आप्हैंन्; याहवेहलाइ म्हाँदिद्, आछ्याँबै केमैं पिवाद्।

हितोपदेश 30:12

अरू म्हिमैं ह्रोंसन् शुद्ध मुँ ङ्हाँम्, दिलेया चमैंइ ह्रोंसए सैंर्बै क्ह्रि आख्रुइमुँ।

हितोपदेश 9:9

बुद्धि मुँबै म्हिलाइ अर्थि पिंमा च झन ह्रब्-सेब् तब्मुँ; ठिक के लबै म्हिलाइ लोमिंमा चइ झन् च्हैंब् मैंब् लल् खाँब्मुँ।

लूका 18:11

फरिसीइ रासि सैं न्हों-न्हों छले प्राथना लइ, ‘ओ परमेश्‍वर, ङ क्हिलाइ धन्‍यबाद पिंमुँ, तलेबिस्याँ ङ अरू म्‍हिमैं धोंले लोब लब, स्योर तेब, च्हमिरिमैंए फिर आछ्याँबै सैं मैंबै म्हि आङिं, धै चु बालि रेबै म्‍हि धों तबै या ङ आङिं।

गलाती 6:3

तलेबिस्याँ तोइ आह्रबै म्हिइ “ङ थेबै म्हि ग” बिसि ह्रब् प्हैंस्याँ चइ ह्रोंसलाइन धोका पिंम्।